सुंदर मी होणार – आला हिवाळा त्वचा सांभाळा!

>> मृणाल घनकुटे

तापमानातील चढ-उतारामुळे हिवाळ्यात त्वचेचे खूप हाल होतात. म्हणूनच हिवाळ्यात त्वचेचे संरक्षण करण्यासाठी व्हिटॅमिन-सी आपल्या दैनंदिन स्किनकेअर रुटीनचा भाग असावा असे सौंदर्य तज्ञांचे मत आहे. व्हिटॅमिन-सीला आपल्या त्वचेचा सर्वात चांगला मित्र म्हटले जाते. तुमच्या त्वचेची लवचिकता सुधारण्यास आणि तिला नैसर्गिक चमक देण्यासाठी हिवाळ्यात अतिरिक्त व्हिटॅमिन सीची गरज असते.

थंड हवामान, कमी आर्द्रता आणि सेंट्रल हीटिंगचा आपल्या त्वचेवर कोरडेपणाचा हानिकारक प्रभाव पडतो. आपल्या त्वचेला गरजेचे असणारे आवश्यक मॉयश्चर आणि आर्द्रता काढून टाकली जाते, ज्यामुळे त्वचा अगदी खरखरीत होऊ शकते. सौंदर्य उत्पादनाच्या स्वरूपात असणाऱया ‘व्हिटॅमिन सी सीरम’बद्दल आपण आज जाणून घेऊया…

व्हिटॅमिन सी सीरम म्हणजे काय?

व्हिटॅमिन सी सीरम हे एक चांगले अँटिऑक्सिडेंट आहे. प्रदूषण, धूम्रपान, वृद्धत्व, त्वचेवरील ताण दूर करून त्वचा मुलायम, ग्लोइंग, चमकदार आणि निरोगी बनवण्याचे काम करते. तसेच आपल्या त्वचेतले ‘कोलेजन’ नावाचे अँटी-एजिंग प्रोटीनचीही वाढ होते, ज्याने आपली त्वचा मजबूत राहते आणि चेहऱयावरील वृद्धत्वाच्या खुणा कमी करण्यास मदत करते.

व्हिटॅमिन सीचा त्वचेला कसा फायदा होतो?

त्वचेवरील डागांची समस्या दूर होण्यासाठी बराच वेळ लागतो, पण तज्ञांचा सल्ला घेऊन योग्य प्रकारे व्हिटॅमिन सीचा वापर केल्यास ही समस्या कमी वेळेत कमी होऊ शकते.

अपोलो स्पेक्ट्रा मुंबईच्या त्वचातज्ञ डॉ. शरिफा चाऊस म्हणतात, ‘व्हिटॅमिन सी हे सर्वात शक्तिशाली आणि प्रभावी अँटिऑक्सिडंट्सपैकी एक आहे. व्हिटॅमिन सीमुळे त्वचेतील नवीन पेशींच्या निर्मितीची प्रक्रिया जलद गतीने होते. ज्यामुळे त्वचेतील मुक्त रॅडिकल्स नावाच्या हानिकारक आणि धोकादायक ऑक्सिजन प्रजाती कमी होतात आणि त्वचेतील मृत पेशी काढून चेहऱयाचे सौंदर्य वाढवते.’

व्हिटॅमिन सीचा योग्य वापर कसा करावा?

घराबाहेर जाताना व्हिटॅमिन-सी सीरम चेहऱयावर लावावे, त्यामुळे त्वचेला सनस्क्रीन प्रोटेक्शन मिळते. याव्यतिरिक्त, व्हिटॅमिन सी फोटोसेन्सिटायझर म्हणून कार्य करू शकते, याचा अर्थ ते सूर्यप्रकाशात असताना त्वचेला अधिक संवेदनशील बनवू शकते. या कारणास्तव, हिवाळ्यात व्हिटॅमिन सी स्किनकेअर उत्पादन वापरणे ही एक स्मार्ट निवड आहे.

याचा रिझल्ट दिसण्यासाठी किती वेळ लागतो?
n तुम्ही सीरम वापरण्यात किती नियमित आहात? तसेच तुम्ही कोणते सीरम वापरता. तुमचे वय किती आहे. तुमची जीवनशैली कशी आहे? व्यायामाची दिनचऱया कशी असते? ड्रिंक करता का? या सर्व गोष्टींमुळे त्वचेवर व्हिटॅमिन सीचा रिझल्ट दिसण्यास मोठा फरक पडतो.
n व्हिटॅमिन सी पोषक तत्त्वांच्या अँटिऑक्सिडंट गुणधर्मांमुळे समृद्ध असून त्वचेला उजळ करण्यास मदत करते आणि मुक्त रॅडिकल्सपासून संरक्षण करून, मेलेनिनचे उत्पादन कमी करून चेहऱयावरील काळे डाग कमी करू शकते. मेयो क्लिनिकच्या मते, ते सूर्यकिरणांपासून त्वचेचे संरक्षण करू शकते आणि चेहऱयावरील सुरकुत्या आणि रेषाही कमी करू शकते.

किती वेळा आणि कोणत्या क्रमाने लावावे?
व्हिटॅमिन सी एकदा लावल्यानंतर, जवळपास 72 तास त्याचा प्रभाव त्वचेवर राहतो. त्यामुळे हे दिवसातून एक ते दोन वेळा लावावे. परंतु जर तुमचे उन्हात जास्त जाणे होत असेल तर तुम्ही 3 वेळा हे सिरम लावावे, जेणेकरून सूर्याच्या किरणांमुळे आपल्या त्वचेची व्हिटॅमिन सीची पातळी कमी नाही होणार, असं डॉ. शरिफा चाऊस सांगतात.
हिवाळय़ात त्वचा कोरडी होते म्हणून मॉइश्चरायझरचा जाड थर लावा व सौम्य क्लेनसर वापरा. त्वचा सुंदर व निरोगी ह्यासाठी शरीराला व्हिटॅमिन ए, व्हिटॅमिन सी आणि व्हिटॅमिन ई या प्रभावी जीवनसत्त्वांची आवश्यकता असते. त्यात व्हिटॅमिन सीमुळे आपली त्वचा नितळ आणि डागविरहित राहते. त्वचेवर चमक येण्यासाठी डॉक्टरांच्या सल्ल्यानुसार व्हिटॅमिन-सी सीरमचा (Vitamin-C Serum) उपयोग करून पाहा. तुमच्या त्वचेवर वाढत्या वयाची लक्षणे कमी होण्यास मदत मिळेल.

व्हिटॅमिन सीचा हिवाळ्यात वापर केल्याने हा फायदा होईल

शेवटी परिपूर्ण हिवाळ्यात व्हिटॅमिन सी वापरण्याचा एक प्रमुख फायदा म्हणजे त्याचे चमकणारे गुणधर्म सर्वात प्रभावी असू शकतात. हायड्रोपेप्टाइड फर्मा-ब्राइट 20 टक्के व्हिटॅमिन सी बूस्टरमध्ये त्वचा-उजळणारे पेप्टाइड्सदेखील असतात ज्यामुळे हिवाळ्याच्या महिन्यांत त्वचेला अत्यंत आवश्यक चमक देण्यात मदत होते. व्हिटॅमिन सीमध्ये
केवळ त्वचा उजळ करण्यासाठीच नाही, तर मजबूत करण्याचे गुणधर्मदेखील आश्चर्यकारक आहेत. उजळ, मजबूत आणि चांगल्या सुरक्षित त्वचेसाठी व्हिटॅमिन सीचे फायदे दुर्लक्षित केले जाऊ शकत नाहीत, असं डॉ. शरिफा चाऊस सांगतात.

अशा प्रकारे त्वचेवर लावा व्हिटॅमिन सी
– हिवाळ्यात त्वचेवर व्हिटॅमिन-सी सीरम लावण्यापूर्वी चेहरा स्वच्छ धुऊन घ्यावा.
– यानंतर चेहऱयावर टोनर लावा.
– व्हिटॅमिन-सी सीरमचे
– ते 5 थेंब त्वचेवर लावा
– यानंतर मॉइश्चराइझर लावा.
– सर्वात शेवटी सनस्क्रीन लोशन लावा.