नोकरी करताना पीएफ खात्यात किती रक्कम जमा झाली आहे, हे तपासण्यासाठी आता फक्त एक मिस कॉल देऊन जाणून घेण्याची संधी ईपीएफओने दिली आहे. ही सेवा इंटरनेटविना दिवसातील 24 तास सुरू आहे. मिस कॉलसोबत एसएमएसवरूनही पीएफ रक्कम जाणून घेता येऊ शकते. पीएफ रक्कम जाणून घेण्यासाठी तुमच्या जवळील नोंदणीकृत मोबाईल नंबरवरून 9966044425 वर मिस्ड कॉल करण्याची सुविधा उपलब्ध आहे. मिस्ड कॉल दिल्यानंतर कॉल आपोआप डिस्कनेक्ट होईल आणि कोणतेही शुल्क आकारले जाणार नाही. काही सेपंदांत तुमच्या मोबाईलवर ईपीएफओकडून एक एसएमएस येईल, ज्यामध्ये पीएफ बॅलन्स किती आहे, याची माहिती दिली जाईल. ही सुविधा फक्त युनिव्हर्सल अकाऊंट नंबर असलेल्या युजर्ससाठी आहे. ही सुविधा जुन्या फीचर फोनलाही देण्यात आली आहे.
