>> मृणाल घनकुटे
जेव्हा वृद्धत्व सुरू होते, तेव्हा स्त्रिया चेहऱयासाठी अशी क्रीम किंवा सीरम शोधू लागतात. जेणेकरून बारीक रेषा आणि सुरकुत्या कमी होऊ शकतात. अशा स्थितीत वृद्धत्वाची लक्षणे बऱयाच प्रमाणात कमी करण्यासाठी रेटिनॉल हा सर्वोत्तम घटक मानला जातो. तुमच्या स्किन केअर रूटीनमध्ये त्याचा समावेश करून तुम्ही जादुई फायदे मिळवू शकता.
वाढत्या वयाची ही लक्षणे दूर करण्यासाठी रेटिनॉल क्रीम चांगले आहे. रेटिनॉलचा नियमित उपयोग कसा करावा याबद्दल डॉ. निशिता क्लिनिक फॉर स्किन, हेअर अँड एस्थेटिक्सच्या संस्थापिका डॉ. निशिता रांका यांनी मार्गदर्शन केले.
काय असते रेटिनॉल?
डॉ. निशिता रांका यांच्या माहितीनुसार, रेटिनॉल हे व्हिटॅमिन ‘ए’ नावाचे विशेष प्रकारचे जीवनसत्त्व आहे. अंडी, रताळे आणि गाजर यांसारख्या पदार्थांमध्ये तुम्हाला ‘अ’ जीवनसत्त्व मिळू शकते. हे तुमच्या त्वचेसाठी खरोखर चांगले आहे. कारण ते फ्री रॅडिकल्सशी लढून तुमची त्वचा छान आणि गुळगुळीत बनवते, सुरकुत्या दूर होण्यास मदत करते. हे तुमच्या त्वचेला कोलेजन नावाचे विशेष प्रथिन तयार करण्यासदेखील मदत करते.
फायदे कोणते…
रेटिनॉल खराब झालेली त्वचा काढून टाकण्यास मदत करते. ज्यामुळे परत नवीन येणारी त्वचा चमकदार, गुळगुळीत आणि गोरी दिसते. त्वचेवर रेटिनॉलचा सतत वापर केल्याने बारीक रेषा, सुरकुत्या आणि वृद्धत्वाशी संबंधित त्वचेच्या इतर समस्या दूर होण्यास मदत होते. हा घटक अनेक क्रीम आणि लोशनमध्ये वापरला जातो. हे तेलकट त्वचेवरील ब्रेकआऊट्स आणि ब्लॅकहेड्स कमी करण्यास मदत करते आणि त्वचेतून सीबम उत्पादन नियंत्रित करते.
कोणती काळजी घ्याल
रेटिनॉल हे कधीही रात्री झोपण्यापूर्वी चेहऱयाला लाऊन झोपलेले उत्तम. रेटिनॉल क्रीम लाऊन सूर्यप्रकाशात गेल्याने तुमची त्वचा ‘सेन्सिटिव्ह’ होऊ शकते. त्यामुळे हे उत्पादन नेहमी रात्री लागू करा.
रेटिनॉल हे असे घटक आहेत ज्यांचा वापर त्वचाविज्ञानाच्या तज्ञांच्या मार्गदर्शनाखालीच केला पाहिजे. कारण ते चुकीच्या पद्धतीने वापरले असल्यास किंवा जर तुम्ही जाड थर वापरला असेल, तर चेहऱयावर लालसरपणा, त्वचारोग, त्वचेची संवेदनशीलता आणि जास्त रंगद्रव्ये होऊ शकतात.
इतर फायदे
– हे त्वचेचा पोत आणि टोन सुधारण्यास मदत करू शकते.
– काळे डाग आणि मुरमांचे चट्टे कमी होण्यास आणि छिद्र काढून टाकण्यास मदत करते.
– मुरूम, सोरायसिस आणि त्वचेच्या इतर समस्यांवर काही प्रमाणात उपचार करण्यासाठीदेखील हे प्रभावी ठरू शकते.
– नियमित वापराने रेटिनॉल नितळ, निरोगी आणि अधिक तरुण दिसणारी त्वचा देण्यास मदत करतात.
