जवाहरलाल नेहरू विद्यापीठाचा माजी विद्यार्थी आणि सीपीआय नेता कन्हैया कुमार याच्या ताफ्यावर बिहारमध्ये हल्ला झाला आहे. बुधवारी सुपौलमध्ये एका सभेला संबोधित करून सहरसाकडे जात असताना अज्ञातांनी त्याच्या ताफ्यावर दगडफेक केली. या दगडफेकीमध्ये गाडीच्या काचा फुटल्या असून कन्हैया कुमारच्या गाडीचा ड्रायव्हर जखमी झाल्याचे वृत्त आहे.
Bihar: Former JNU Students Union leader Kanhaiya Kumar injured after stones were pelted at his convoy in Supaul, today. Kanhaiya was heading towards Saharsa, after addressing a rally in Supaul at the time of incident. More details awaited. pic.twitter.com/IzJhtWzxiB
— ANI (@ANI) February 5, 2020
‘एएनआय’ने दिलेल्या वृत्तानुसार, बुधवारी एका सभेला संबोधित करून निघाल्यानंतर सुपौलजवळ अज्ञातांनी गाड्यांवर तुफान दगडफेक केली. या दगडफेकीमध्ये ड्रायव्हरसह दोघे जखमी झाल्याचे वृत्त आहे. दरम्यान, दगडफेक करणाऱ्या आरोपींची ओळख पटल्याची माहिती पोलिसांनी दिली असून लवकरच त्यांना अटक केली जाईल असेही ते म्हणाले.
सीपीआय नेत्याने केला निषेध –
दरम्यान, कन्हैया कुमारच्या ताफ्यावर झालेल्या हल्ल्याचा सीपीआयचे राज्य सरचिटणीस सत्य नारायण सिंह यांनी निषेध केला आहे. तसेच सरकारने कन्हैया कुमारची सुरक्षा वाढवण्याची मागणी त्यांनी केली.
