पश्चिम रेल्वे मार्गावरील मुंबई सेंट्रल येथील रेल्वे कारखान्यात उभ्या असलेल्या जयपूर एक्सप्रेसच्या डब्याला आग लागली आहे. सायंकाळच्या सुमारास ही घटना घडली. आगीची माहिती मिळताच अग्निशमन दल आणि रेल्वे कर्मचाऱ्यांनी घटनास्थळी धाव घेतली. ही आग नक्की कोणत्या कारणाने लागली याबाबत अद्याप उलगडा झालेला नाही.
पश्चिम रेल्वेने दिलेल्या माहितीनुसार, मुंबई सेंट्रलवर कारखान्यात उभ्या असलेल्या जयपूर एक्सप्रेस (गाडी क्र. 12955) च्या एसी 3 टायर डब्याला आग लागली. बुधवारी सायंकाळी सहा वाजून 3 मिनिटांनी ही आग लागली. आगीवर नियंत्रण मिळवण्यास यश आले असून कारणांचा तपास सुरू आहे.
Smoke & fire noticed in AC 3 tier coach of rake of 12955 Jaipur Express in Maintenance Yard at Mumbai Central at 18.03 hrs. Fire is controlled. Cause will be ascertained after investigation. 12955 of 11/9/19 is rescheduled at 20.50 hrs after replacing the affected coach. @drmbct
— Western Railway (@WesternRly) September 11, 2019
