मुंबईची चाळ आणि त्यात राहणाऱ्या दोन भावंडांच्या स्वप्नाची गोष्ट असलेला ‘चिडिया’ चित्रपट अखेर 10 वर्षांनंतर प्रदर्शित झाला. मागील कित्येक वर्षे हा चित्रपट लटकला होता. ‘चिडिया’चे शूटिंग 2015 साली पूर्ण झाले होते. मात्र डिस्ट्रीब्युटर मिळत नसल्याने हा चित्रपट थिएटरमध्ये झळकण्यास एक दशक लागले. चित्रपटात विनय पाठक, अमृता सुभाष, श्रेयस तळपदे, इनामूल हक, ब्रिजेंद्र काळा यांच्यासह बालकलाकार स्वर कांबळे, आयुष पाठक आणि हेतल गडा यांच्या प्रमुख भूमिका आहेत. बॅडमिंटनसाठी रॅकेट असणे किंवा खेळण्यासाठी जागा शोधणे यासारखी छोटी स्वप्ने कशी अर्थपूर्ण असू शकतात हे चित्रपटात दाखवले आहे.
