कोरोना व्हायरसचा हिंदुस्थानात प्रादुर्भाव वाढत चालला आहे. यामुळे सगळ्या राज्यांनी खबरदारी घ्यायला सुरुवात केली आहे. जास्त माणसं एकत्र जमतील असे कार्यक्रम रद्द केले जात आहेत किंवा पुढे ढकलले जात आहेत. दिल्ली सरकारनेही असाच एक निर्णय घेतला आहे. दिल्लीमध्ये IPL चे सामने खेळवण्यास मनाई करण्यात आली आहे. तिथले उपमुख्यमंत्री मनीष सिसोदिया यांनी ही घोषणा केली आहे.
Delhi Deputy Chief Minister Manish Sisodia: We have decided to ban any sports activity where people will gather in huge numbers like IPL. Social distancing is important to curb the breakout of #Coronavirus. pic.twitter.com/Xt5OJVvkli
— ANI (@ANI) March 13, 2020
सिसोदिया यांनी शुक्रवारी एक पत्रकार परिषद बोलावली होती. यामध्ये ते म्हणाले की संपूर्ण देश या आजाराशी झुंज देतोय. कोरियासारख्या देशात या आजाराची लागण झालेल्या रुग्णाने 10 हजार जणांना आजार संक्रमित केला होता. ही बाब लक्षात घेता दिल्लीतील सगळी संमेलने, मेळावे हे घेऊ नयेत असे आदेश देण्यात आले आहेत. गर्दी होतील असे कार्यक्रम रद्द करण्यासही सांगण्यात आलं आहे.
Delhi Deputy Chief Minister Manish Sisodia: All big events, conferences, and sports gatherings have been banned in Delhi till further notice. https://t.co/30z8sEzuZb pic.twitter.com/FH9aQRo0SR
— ANI (@ANI) March 13, 2020
भाजपच्या खासदार हेमा मालिनी यांनी आजाराचे हे संकट हिंदुस्थानातील नागरिकांनी गांभीर्याने घ्यायला हवे असं म्हटलं आहे. ‘ करोना, मरोना’ अशा आशयाचे व्हॉटसअपवर मेसेज फिरत असून लोकं या आजारावर विनोद करत असल्याचं आपल्याला दिसलं असं हेमा मालिनी यांनी म्हटलं आहे. हा आजार जीवघेणा असून त्याची लागण झाल्यानंतर या लोकांना कळेल की हा किती जीवघेणा आजार आहे. या आजारामुळे आपणही सगळे कार्यक्रम आणि परदेशातील दौरे रद्द केल्याचे त्यांनी सांगितले.
