देशात पुन्हा एकदा कोरोना व्हायरसच्या रुग्णांमध्ये वाढ होताना दिसून येत आहे. देशात पुन्हा कोरोनाचा धोका वाढत असल्याने चिंता व्यक्त होत आहे. गेल्या काही दिवसांपासून कोरोनाच्या नवीन रुग्णांमध्ये वाढ होत आहे. केंद्रीय आरोग्य मंत्रालयाने बुधवारी जारी केलेल्या नवीन आकडेवारीनुसार देशात कोरोनाचे 618 नवीन रुग्ण आढळले आहेत, तर एका दिवसापूर्वी कोरोनाची 402 रुग्ण आढळले होते.
देशात गेल्या 24 तासांत व्हायरसच्या संसर्गाच्या नवीन प्रकरणांमध्ये 200 हून अधिक प्रकरणांमध्ये वाढ झाली आहे. आरोग्य मंत्रालयाने जारी केलेल्या आकडेवारीनुसार, देशात गेल्या 24 तासांत एकाच दिवसात कोरोना व्हायरसची 618 नवीन प्रकरणे समोर आली आहेत. 600 हून अधिक नवीन प्रकरणे समोर आल्यानंतर, देशात आतापर्यंत संक्रमित लोकांची संख्या 4,46,91,956 झाली आहे. तर 117 दिवसांनंतर देशात दररोज 600 हून अधिक कोरोनाची प्रकरणे समोर आली आहेत.
सध्या देशभरात सक्रिय रुग्णांची संख्या 4,197 झाली आहे. गेल्या वर्षी 18 नोव्हेंबर रोजी देशात एकाच दिवसात कोरोना संसर्गाचे 656 रुग्ण आढळले होते. तर मंगळवारी कोरोनाचे 402 नवीन रुग्ण आढळले. दुसरीकडे, सोमवारी देखील देशात कोरोनाची 444 नवीन प्रकरणे नोंदवली गेली. त्याचप्रमाणे रविवारी, 10 मार्च रोजी एकाच दिवसात कोरोनाच्या 440 नवीन रुग्णांची नोंद झाली.
10 मार्चपासून देशात सतत कोरोनाची 400 हून अधिक प्रकरणे समोर येत आहेत. आता हा आकडा 600 च्या पुढे गेला आहे. मंत्रालयाने जारी केलेल्या आकडेवारीनुसार, देशात कोरोना संसर्गामुळे आणखी पाच रुग्णांचा मृत्यू झाला आहे. पाच जणांच्या मृत्यूनंतर देशातील कोरोनामुळे मृतांची संख्या 5,30,789 झाली आहे. देशात कोरोना पुन्हा वाढत असल्याने चिंता व्यक्त होत आहे.
