आपल्या प्रत्येकाला लहानपणापासून मधाचा वापर हा औषध म्हणून केला जातो हे ज्ञात आहे. मध हे निसर्गाने दिलेले अमृतसमान अन्न मानले जाते. प्राचीन काळापासून आयुर्वेदात मधाचा औषधी उपयोग केला जातो. मधामध्ये जीवनसत्त्वे, खनिजे, अँटीऑक्सिडंट्स आणि नैसर्गिक साखर असते, जी शरीराला त्वरित ऊर्जा देण्यास मदत करते. त्यामुळे अशक्तपणा किंवा थकवा जाणवत असल्यास मध उपयुक्त ठरतो.
मध रोगप्रतिकारशक्ती वाढवण्यासाठीही फायदेशीर आहे. त्यातील अँटीबॅक्टेरियल आणि अँटीव्हायरल गुणधर्म शरीराला संसर्गांपासून संरक्षण देतात. सर्दी, खोकला किंवा घशातील खवखव यावर कोमट पाण्यात किंवा दुधात मध मिसळून घेतल्यास आराम मिळतो.
मधामुळे वजन नियंत्रित राहण्यासही मदत होते. तसेच मधुमेहावरही मध हे रामबाण उपाय म्हणून मानले जाते.
ह्द्याच्या आरोग्यासाठी सुद्धा मधाचा उपयोग केला जातो. मधामध्ये असलेल्या अॅंटीआॅक्सीडंट ह्द्यासाठी खूप चांगले मानले जातात.
काचेचा की स्टीलचा? आॅफिसच्या टिफीनसाठी कोणता डबा उत्तम, जाणून घ्या
पचनसंस्थेसाठी मध अत्यंत उपयुक्त आहे. तो पचनक्रिया सुधारतो आणि बद्धकोष्ठता कमी करण्यास मदत करतो. तसेच मध शरीरातील वाईट कोलेस्टेरॉल कमी करण्यास सहाय्यक ठरतो, त्यामुळे हृदयाचे आरोग्य चांगले राहते.
त्वचेच्या आरोग्यासाठीही मध फायदेशीर आहे. तो त्वचा मऊ, तजेलदार आणि निरोगी ठेवण्यास मदत करतो. जखमा भरून येण्यासाठीही मधाचा उपयोग केला जातो.
मात्र मध योग्य प्रमाणातच सेवन करावा. दररोज एक ते दोन चमचे मध घेतल्यास शरीर निरोगी आणि ऊर्जावान राहण्यास मदत होते.
