देशात कोरोना विषाणूच्या नव्या प्रकारामुळे मृत्यू आणि सक्रिय रुग्णांची संख्या वाढत आहे. दैनिक भास्करच्या वृत्तानुसार, गेल्या 24 तासांत देशभरात 4 जणांचा मृत्यू झाला असून, 32 राज्ये आणि केंद्रशासित प्रदेशांमध्ये एकूण 6483 सक्रिय रुग्ण आहेत. यामध्ये महाराष्ट्रात 2, तर दिल्ली आणि केरळमध्ये प्रत्येकी 1 मृत्यू झाला आहे.
केरळ, गुजरात आणि महाराष्ट्रात सर्वाधिक रुग्ण
केरळमध्ये सर्वाधिक 1384 सक्रिय रुग्ण असून, त्यानंतर गुजरातमध्ये 1105 आणि महाराष्ट्रात 489 रुग्ण आहेत. दिल्लीत गेल्या 24 तासांत 65 नवे रुग्ण आढळले असून, एकूण सक्रिय रुग्णसंख्या 620 आहे. कर्नाटकात 653 सक्रिय रुग्ण नोंदवले गेले आहेत.
