>> महेश केळुसकर
लिंगा जैना ब्राह्मणा गांगोबा म्हाराजा
स्वामी समर्था, पाच पुरी बारा आकारा
आज धरतरीचो देव, भूमीचो आकारी
नि चौऱयांयशीचो अधिकारी सामील होव्न
हय़ो जो काय आमचो हिंदुस्तानचो
नि महाराष्ट्राचो मुलूख
हरयागार फुला-फळानी,
शेती-भातीन, यापार-उदीम
माणि मोत्यानी राखलंस
तेच्या चतुःशीमेच्या भायरसून, हय़ा जा कोनी
कोरोनाचा कवाटबावला
करून आनलेला आसा
आनि ही जी काय काळी करणी करून
आमच्या लेकरा-बाळांचो घात करून
हय़े ज्ये काय तुज्या
बाल-गोपाळांका हाल वनयेस
भोगूक लागतहत, ते नायशे करून
हय़ा उलटय़ा काळजाच्या कसाब करणी करणाऱया कोरोनाक
धडो शिकवून, दंड देवून,
तेच्ये दात तेच्या घशात
घाल रे म्हाराजा
देवा, आज ही जी काय भूचेष्टा म्हणून तू
आज रवळनाथ म्हाराजा स्वामी समर्था
चाडी करून दिलेली आसा
त्या चाडी परमाण डाक्टर,
नर्शी, वशेदवाल्यांचा
मान तेंका देतंय –
डोळय़ात त्याल घालून दिसरात
जागे रवणारे
हे पोलीस, सफाईवाले, पानी सोडणारे आनि
अत्यावश्यक सेवेतले
सगळे पत्रकार हय़ेंच्या पायार
नि तुज्या पायार सगळय़ा चाकरमान्यांसयत घालून घेतय
काय चुकभूल झाली आसात तर
मखलास करून तुज्या लेकरांका रखवाली दी म्हाराजा!
देवा, पाच तत्त्वाक पाच पाना ठेवलेली आसत
चुकीच्या पानार चूक घाल
समजीच्या पानार समजी घे
राजीच्या पानार भरलेल्या
फळासय्त राजी हो
आमच्या लाडक्या मुलखाक
कोनाची नदार लागली
कोनी करणी केली,
कोनाचो दिष्टावो झालो आसात तर
पायाबुडी घालून,
जेचा माप तेच्या पदरात घाल
नि कोनाची दातकसाळ बादली आसात तर
तेच्ये दात तेच्या घशात घाल रे म्हाराजा
कोरोनाच्या हय़ा अवकाळात
काळोबाजार करनारे, अफवा पसरवनारे,
राजकारन करून मेल्ल्या मढय़ांच्या टाळयेवरचा लोनी घानारे
हय़ा सगळय़ांका पायाबुडी घेवून्
तुडदवन काडून
फडाचो झेंडो फडाक
सामील करून घे रे म्हाराजा
आज रवळनाथ पावणाय राजी होव्न
बिरा म्हाराजा,
स्वामी समर्था तू सामील होव्न
ही जी काय मुख्यमंत्री उद्धव ठाकरे सायबानी
अदृश्य दुस्मानाची
तंगडी मोडुची ठरवलेली आसा
ती तशी मोडूक नि दुस्मानाचो नायनाट करुक
तेंका साहय़कारी होव्न,
तुजा कृपा छत्र तेंच्या माथ्यार ठेवून
तेंका ही लढाय जिंकून दी रे म्हाराजा
मोठय़ा धीरान, सगळी बुद्धी शाबूत ठेव्न,
आपलो महाराष्ट्र हय़ाच आपला कुटुंब मानून
छत्रपती शिवरायांची दूरदृष्टी आठवीत
आई तुळजाभवानीक लोटांगन घालीत
बाळासायबांचे आशीर्वाद घेव्न
उद्धव ठाकरे हय़ा लढायक,
आपल्या सगळय़ा सैन्याक
नि सेनापतींका घेव्न महाराष्ट्राच्या
रयतेसाठी मैदानात
उतारलेले आसत, तेंका येश देव्न,
तेनी हातात घेतलेला
कार्य पुरा करून, शेवाचाकरी मान्य करून
सगळय़ा महाराष्ट्राची नि हिंदुस्तानची रखवाली कर रे म्हाराजा
