राजकोटमध्ये इंग्लंडविरुद्ध सुरू असलेल्या तिसऱ्या कसोटीत हिंदुस्थानचा सलामीवीर यशस्वी जैस्वाल याने द्विशतक ठोकत भीमपराक्रम केला. यशस्वीने 14 चौकार आणि 12 षटकारांची आतषबाजी करत नाबाद 214 धावा चोपल्या. याआधी विशाखापट्टणम कसोटीतही त्याने 209 धावांची खेळी केली होती. या खेळीसह त्याने अनेक विक्रम आपल्या नावावर केले आहेत.
हिंदुस्थानकडून लागोपाठ दोन कसोटीत आणि एकाच मालिकेत दोन द्विशतक ठोकणारा यशस्वी तिसरा फलंदाज ठरला आहे. यशस्वीच्या आधी लागोपाठ दोन कसोटीत विनोद कांबळी (1992-93) आणि विराट कोहलीने (2017-18) द्विशतक केली आहेत. हिंदुस्थानकडून एकाच मालिकेत दोन द्विशतक सर्वात आधी विनु मंकड (1955) आणि त्यानंतर विराट कोहलीने (2017-18) ठोकले होते. त्या पंक्तीत आता यशस्वीचाही समावेश झाला.
2⃣1⃣4⃣* Runs
2⃣3⃣6⃣ Balls
1⃣4⃣ Fours
1⃣2⃣ SixesYashasvi Jaiswal was simply sensational to score that double century in Rajkot ⚡️ ⚡️ #TeamIndia | #INDvENG | @ybj_19 | @IDFCFIRSTBank
Relive that blitz 🎥 🔽https://t.co/a7p5gXdNxQ
— BCCI (@BCCI) February 18, 2024
28 वर्षांपूर्वीच्या विक्रमाची बरोबरी
यशस्वीने एकाच डावात सर्वाधिक 12 षटकार ठोकण्याचा पाकिस्तानचे माजी खेळाडू वसीम अक्रम यांच्या विक्रमाचीही बरोबरी केली. वसीम अक्रम यांनी 1996 ला झिम्बाम्बेविरुद्ध अशी कामगिरी केली होती. या यादीत मॅथ्यू हेडन, एन एस्टल, ब्रॅण्डन मॅक्यूलम, बेन स्टोक्स आणि कुसाल मेंडीस प्रत्येकी 11 षटकारांसह संयुक्तपणे दुसऱ्या स्थानावर आहेत.
सर्वात कमी वयात दोन द्विशतक
सर्वात कमी वयात (22 वर्ष 53 दिवस) दोन द्विशतक ठोकणारा यशस्वी जैस्वाल जगातील तिसरा फलंदाज ठरला. भारताचा विनोद कांबळी (21 वर्ष 54 दिवस) पहिल्या, ऑस्ट्रेलियाचे महान खेळाडू सर डॉन ब्रॅडमन (21 वर्ष 318 दिवस) दुसऱ्या स्थानावर आहेत. तर चौथ्या स्थानावर आफ्रिकेचा माजी खेळाडू ग्रिम स्मिथ (22 वर्ष 180 दिवस) आहे.
IND vs ENG Rajkot Test – अश्विनचं संघात पुनरागमन, बीसीसीआयनं दिली खुशखबर
हिंदुस्थानचा पहिला फलंदाज
यशस्वीने आणखी एक विक्रम आपल्या नावावर केला आहे. कसोटीतील पहिल्या तिन्ही शतकांवेळी 150 हून अधिक धावा करणारा यशस्वी हिंदुस्थानचा पहिला फलंदाज ठरला आहे. पदार्पणाच्याच लढतीत यशस्वीने 171 धावा केल्या होत्या. त्यानंतर विशाखापट्टणम कसोटीत 209 आणि राजकोट कसोटीत नाबाद 2014 धावांची खेळी केली.
