सलग तीन सामने हरल्यानंतर हार्दीक पांड्याच्या मुंबई इंडियन्सने अखेर विजयाचे खाते खोलले. रविवारी वानखेडे स्टेडियमवर झालेल्या सामन्यात मुंबई इंडियन्सने दिल्ली कॅपिटल्सचा 29 धावांनी पराभव केला. 234 धावा ही वानखेडेवरील आयपीएलमधील दुसरी सर्वोच्च धावसंख्या ठरली आहे.
नाणेफेक जिंकून दिल्लीचा कर्णधार रिषभ पंत याने गोलंदाजीचा निर्णय घेतला होता. प्रथम फलंदाजीला आलेल्या मुंबई इंडियन्सने तुफान फलंदाजी करत 20 षटकात पाच गडी गमावत 234 धावा केल्या. यात रोहीत शर्माने 49(27), इशान किशन 42 (23), हार्दीक पांड्या 39(33), टीम डेव्हिड 45(21) पण या सर्वांपेक्षा प्रभावी फलंदाजी केली ती रोमारिओ शेफर्ड याने. शेफर्डने 4 षटकार, 3 चौकार मारत 10 चेंडूत 39 धावा केल्या.
