टीम इंडियाचा जलदगती गोलंदाज इरफान पठाण याने सर्व प्रकारच्या क्रिकेटमधून निवृत्ती घेतली आहे. पंधरा वर्षाच्या कारकिर्दीनंतर पठाणने निवृत्ती स्वीकारली आहे. मात्र तो लीग क्रिकेट खेळणार आहे. कसोटीमध्ये पहिल्याच षटकात हॅट्ट्रिक घेणारा इरफान हा टीम इंडियाचा एकमेव गोलंदाज आहे. त्याने कराची येथे 2006 मध्ये पाकिस्तान विरुद्ध ती हॅट्ट्रिक घेतली होती. या हॅट्ट्रीकनेच त्याचे टीम इंडियातले स्थान पक्के केले होते.
Indian cricketer Irfan Pathan announces retirement from all formats of cricket. (File pic) pic.twitter.com/X6NiBVhbCU
— ANI (@ANI) January 4, 2020
मी गेल्या काही महिन्यापासून डोमेस्टिक क्रिकेट खेळत होतो. बराच वेळ मी जम्मू कश्मीर संघाचा भाग राहिलो. पण नंतर मला असे जाणवले की माझ्या जागी आता नवीन खेळाडूला संधी मिळाली पाहिजे. माझ्य़ासाठी इतर बऱ्याच गोष्टी आहेत करण्यासारख्या मी आता त्याच्याकडे लक्ष देईन’, असे पठाण याने निवृत्तीच्या वेळी सांगितले.
पठाण हा गोलंदाज असला तरी त्याला ऑलराऊंडर म्हणून ओळखले जायचे. पठाणने टीम इंडियासाठी 29 कसोटी, 120 एकदिवसीय आणि 24 ट्वेंटी-20 सामने खेळले आहेत. इरफान 2012 मध्ये अखेरचा टीम इंडियासाठी खेळला होता.
