पॅलेस्टाईनमधील हमासने इस्त्रायलवर केलेल्या हल्ल्यानंतर या दोन्ही देशात युद्ध पेटलं आहे. हमासने पहिल्याच दिवशी इस्त्रायलमध्ये 5000 रॉकेटचा मार करत हजारो निष्पाप लोकांचा बळी घेतला. तेव्हापासून सुरू झालेले या दोन देशांतील युद्ध आठवडा झाला तरी सुरुच आहे. इस्त्रायलने सुद्धा हमासचे मुख्य केंद्र असलेल्या गाझा पट्टीवर हल्ले केले असून त्यात अनेक दहशतवाद्यांसह सामन्य नागरिक ठार झाले आहेत.
IDF says that in an overnight airstrike in the Gaza Strip, the head of Hamas’s aerial array, Murad Abu Murad, was killed. The strike targeted a headquarters from which the terror group managed its aerial activity, according to the IDF. pic.twitter.com/KqYjDCqrTX
— Emanuel (Mannie) Fabian (@manniefabian) October 14, 2023
शनिवारी इस्त्रायलने केलेल्या हल्ल्यात हमासचा मुख्य कमांडर व हवाई गटाचा प्रमुख मुराद अबू मुराद ठार याचा खात्मा करण्यात आला आहे. इस्रायल संरक्षण दलाच्या हवाल्याने ‘द टाइम्स ऑफ इस्रायल’ने हे वृत्त दिले आहे. इस्त्रायलने हमासच्या मुख्यालयावर हवाई हल्ले केले. यावेळी अबू मुरादसह अनेक दहशतवादी या मुख्यालयात उपस्थित होते.
अबू मुराद यानेच इस्त्रायलवरील हल्ल्याचे योजना आखली होती. हमासच्या दहशतवाद्यांना ट्रेनिंग देण्यात त्याचा मोठा सहभाग होता.
