लोकसभा निवडणुकीचे बिगूल वाजल्यापासून नाक्यानाक्यावर फक्त आणि फक्त निवडणुकीची चर्चा होताना दिसते. याच दरम्यान अभिनेत्री सई ताम्हणकर हिने सध्याच्या राजकारणाबद्दल स्पष्ट मत मांडले असून राजकारणात नव्या विचारसरणीची गरज आहे, असे म्हटले आहे.
सईने गुरुवारी शिर्डीच्या साईबाबा मंदिरात जाऊन दर्शन घेतले. या वेळी मीडियाने तिला सध्याच्या राजकारणाविषयी विचारले असता सई म्हणाली, एखादा सिनेमा आल्यावर तो किती कमाई करेल हे सांगू शकत नाही, त्याचप्रमाणे राजकारणात कधी काय होईल हे कोणीही सांगू शकत नाही. राजकारण हा ‘वेट अँड वॉच’चा गेम आहे. त्यामुळे आपण ते एन्जॉय करायचे असते. राजकारणात सध्या नव्या विचारसरणीची गरज आहे आणि ती राजकारणात येतही आहे.
