दसऱ्यानिमित्त शुभेच्छा देण्यासाठी सोशल मीडियावर प्रभू श्री रामाचे चित्र पोस्ट केल्याने हिंदूस्ठानी क्रिकेटपटू कट्टरपंथी मुस्लिमांच्या निशाण्यावर आला आहे. हिंदुस्थानी क्रिकेट संघाचा वेगवान गोलंदाज मोहम्मद शमी सध्या टीम इंडियातून बाहेर आहे. या वर्षी जुलैमध्ये इंग्लंडविरुद्धच्या मालिकेत तो दिसला होता. ऑस्ट्रेलिया आणि दक्षिण आफ्रिकेविरुद्धच्या टी-20 मालिकेसाठी त्याला संघाचा भाग बनवण्यात आले होते, परंतु कोरोना विषाणूची लागण झाल्यामुळे तो खेळू शकला नाही. दरम्यान, त्याच्या एका ट्विटमुळे तो कट्टरवाद्यांच्या निशाण्यावर आला आहे.
मोहम्मद शमीने सोशल मीडियावर प्रभू रामाचे चित्र पोस्ट करत दसऱ्याच्या शुभेच्छा दिल्या आहेत. यामुळे तो मुस्लिम कट्टरतावाद्यांच्या निशाण्यावर आला आहे. सोशल मीडियावरच, काही कट्टरतावाद्यांनी त्याला इस्लामचे धडे देत त्याच्याविरुद्ध फतवा काढण्याची धमकी दिली आहे. एवढेच नाही तर त्यांनी शमीला नाव बदलण्याचा सल्लाही दिला आहे. शमीच्या या ट्विटला आतापर्यंत 40 हजारांहून अधिक युजर्सनी लाईक केले आहे. तर अनेकांनी त्याला मोठ्या संख्येने पाठिंबा दिला आहे.
On the happy occasion of Dussehra, I pray that Lord Ram fills your life with lots of happiness, prosperity, and success. Happy Dussehra to you and your family. #mdshami11 #Dussehra pic.twitter.com/wsFk7M1Gj5
— Mohammad Shami (@MdShami11) October 5, 2022
शमीने आपल्या ट्विटमध्ये प्रभू रामाचा फोटो पोस्ट केला आहे. त्याने लिहिले की, ‘दसर्‍याच्या या पवित्र सणानिमित्त, प्रत्येकाच्या आयुष्यात सुख, समृद्धी आणि यश येवो हीच माझी भगवान रामाकडे प्रार्थना आहे. तुम्हाला आणि तुमच्या परिवाराला दसऱ्याच्या खूप खूप शुभेच्छा. या ट्विटवरून काही युजर्सनी त्यांच्यावर निशाणा साधण्यास सुरुवात केली. एका युजरने तर त्याच्या विरोधात फतवा काढला जाऊ शकतो असेही लिहिले.
