राहुरी तालुक्यातील देवळाली प्रवरा इरीगेशन बंगला परिसरात बिबट्याने तीन शेळ्या आणि एका बोकडाचा फडशा पाडला आहे. बिबट्याने केलेल्या हल्ल्यामुळे शेतकऱ्यांमध्ये भितीचे वातावरण निर्माण झाले आहे.
सदर घटना आज मंगळवारी (15 मे 2024) मध्यराञी घडली. राहुरी तालुक्यातील देवळाली प्रवरा येथिल इरीगेशन बंगल्या जवळ असणाऱ्या विरेश अंबादास डावखर यांच्या वस्तीवर असणाऱ्या शेळ्यांवर मध्यराञीच्या सुमारास बिबट्याने हल्ला केला. या हल्ल्यात तीन शेळ्या व एका बोकडाचा बिबट्याने फडशा पाडला. या घटनेमुळे परिसरातील शेतकऱ्यांमध्ये भितीचे वातावरण निर्माण झाले आहे. घटनेती माहिती मिळताच घटनास्थळी वनाधिकारी युवराज पाचरणे यांच्या अधिपत्याखाली राजु रायकर, बाबासाहेब सिनारे आदींनी घटनास्थळी भेट देवून मृत शेळ्यांचा पंचनामा केला.
