संसदेच्या पावसाळी अधिवेशनाचा आज दुसरा दिवस आहे. आजही लोकसभेत विरोधी पक्षाच्या खासदारांनी महागाई आणि वाढत्या किमतीवरून सरकारविरोधात घोषणाबाजी केली. विरोधकांचा गदारोळ पाहता अध्यक्षांनी लोकसभेचे कामकाज दुपारी 2 वाजेपर्यंत तहकूब केले. राज्यसभेच्या सभागृहातही गदारोळ होण्याची शक्यता आहे. राज्यसभेतील विरोधी पक्षांच्या सदस्यांनी महागाई, काही अत्यावश्यक खाद्यपदार्थांवर वस्तू आणि सेवा कर (जीएसटी) लादणे आणि संरक्षण सेवांमध्ये भरतीची अग्निपथ योजना यासारख्या मुद्द्यांवर चर्चा करण्यासाठी स्थगन प्रस्तावाची सूचना दिली आहे.
काल म्हणजेच सोमवारी अधिवेशनाच्या पहिल्या दिवशी या सर्व मुद्द्यांवरून गदारोळ झाल्याने राज्यसभेचे कामकाज दिवसभरासाठी तहकूब करण्यात आले. राज्यसभा सचिवालयातील सूत्रांकडून मिळालेल्या माहितीनुसार, काँग्रेसचे काही नेते आणि द्रविड मुन्नेत्र कळघमचे तिरुची शिवा आणि मार्क्सवादी कम्युनिस्ट पक्षाचे इलामाराम करीम यांनी पेट्रोलियम पदार्थांच्या किमती आणि अलीकडे दुधासह अनेक खाद्यपदार्थांच्या किमतीत वाढ झाल्याची टीका केली आहे. पदार्थांवर जीएसटी लावण्याच्या मुद्द्यावर चर्चा करण्यासाठी स्थगन प्रस्तावाची सूचना देण्यात आली आहे.
राष्ट्रीय जनता दलाचे मनोज झा यांनी अग्निपथ योजनेचा परिणाम आणि तरुणांना रेल्वे भरतीच्या संधीपासून वंचित ठेवण्याच्या मुद्द्यावर स्थगिती प्रस्तावाची नोटीस दिली आहे. आम आदमी पक्षाचे राघव चड्ढा यांनी स्थगन प्रस्तावाची नोटीस दिली असून केंद्र सरकारने किमान आधारभूत किमतीबाबत स्थापन केलेल्या समितीच्या मुद्द्यावर चर्चेची मागणी केली आहे.
संसदेच्या पावसाळी अधिवेशनात सोमवारी गदारोळ झाला. या सर्व विषयांवर चर्चेची मागणी करत विरोधी सदस्यांनी स्थगन प्रस्तावाची नोटीस दिली होती. मात्र, अध्यक्ष एम व्यंकय्या नायडू यांनी ते फेटाळून लावले.
