नवीन वर्षात रेल्वे प्रवास महागणार; लोकलची दरवाढ नाही

नववर्षाच्या पूर्वसंध्येलाच रेल्वे मंत्रालयाने नव्या वर्षात रेल्वे प्रवासाच्या दरात वाढ केली आहे. त्यामुळे नव्या वर्षात रेल्वे प्रवास महागणार आहे. रेल्वेचे नवे दर बुधवारपासून लागू होणार आहेत. मात्र, लोकलच्या तिकीट दरांमध्ये आणि पासमध्येही कोणतीही दरवाढ झाली नसल्याने लोकलच्या प्रवाशांना दिलासा मिळाला आहे.

Ministry of Railways revises the basic passenger fare as per revised passenger fare table published by Indian Railway Conference Association (IRCA), effective from January 1, 2020. pic.twitter.com/SFlDt0bIv1

— ANI (@ANI) December 31, 2019

सर्वसाधारण रेल्वेच्या नॉनएसी डब्यांमध्ये 1 पैसा प्रतिकिलोमीटर तर मेल आणि एक्सप्रेसच्या नॉन एसी डब्यांमध्ये 2 पैसे प्रतीकिलोमीटर अशी वाढ करण्यात आली आहे. तर एसी डब्यांसाठी 4 पैसे प्रतीकिलोमीटरने वाढ करण्यात आली आहे. 2014-15 नंतर ही वाढ करण्यात येत असल्याचे रेल्वेकडून सांगण्यात आले. रेल्वेने प्रवाशांसाठी अनेक सुविधांमध्ये वाढ केली आहे. तसेच जमाखर्चाचा ताळमेळ बसवण्यासाठी ही दरवाढ करण्यात येत असल्याचे सांगण्यात आले.