देशात लोकसभा निवडणुकीचे पडघम वाजू लागले आहेत. राजकीय पक्षांकडून लोकसभा निवडणुकांमधील उमेदवारांच्या घोषणा देखील केल्या आहेत. या उमेदवारांमध्ये अनेक कलाकारांचा देखील समावेश आहे. अशातच आता दिग्दर्शक – निर्माते राम गोपाल वर्मा यांनी सुद्धा राजकारणात प्रवेश केल्याची घोषणा केली आहे.
राम यांनी त्यांच्या अधिकृत एक्स हॅंडलवर पोस्ट शेअर करून चाहत्यांना धक्का दिला आहे. राम गोपाल वर्मा यांनी आंध्र प्रदेशातील पिठापुरम मतदारसंघातून लोकसभा निवडणूक लढवणार असल्याचे सांगितले आहे. तेलुगू देसम पार्टी-भारतीय जनता पार्टी-जनसेना पार्टीने युती जाहीर केल्यावर राम गोपाल यांनी ही घोषणा केली.
SUDDEN DECISION..Am HAPPY to inform that I am CONTESTING from PITHAPURAM 💪💐
— Ram Gopal Varma (@RGVzoomin) March 14, 2024
राम गोपाल वर्मांच्या आधी भोजपुरी स्टार पवन सिंगनेही निवडणूक लढवण्याची घोषणा केली होती. बुधवारी पवन सिंह यांनी सोशल मीडियावर एक पोस्ट शेअर करून 2024 ची लोकसभा निवडणूक लढवणार असल्याचे सांगितले. त्यामुळे रामू विरुद्ध पवन कल्याण अशी निवडणुकीची चुरस बघायला मिळणार आहे.
गेल्या वर्षी राम गोपाल वर्मा यांनी आंध्र प्रदेशच्या राजकारणावर आधारित ‘व्यूहम’ हा चित्रपट बनवला होता. त्यानंतर अनेक स्थानिक नेत्यांनी वर्मा यांना राज्यातून बाहेर काढण्याची मागणी केली होती. हा चित्रपट आंध्र प्रदेशचे माजी मुख्यमंत्री वायएस राजशेखर रेड्डी यांच्या मृत्युनंतरच्या परिस्थितीवर आधारित आहे.
