वाजपेयींच्या निधनावर दिग्गजांच्या प्रतिक्रिया

बातमी शेअर करा :
सामना फॉलो करा

सामना ऑनलाईन। नवी दिल्ली

ममता बॅनर्जी.….अटलजींसारखा नेता आता भाजपमध्ये होणार नाही. मी भाग्यवान आहे की मला त्यांच्या सोबत काम करायला मिळाल. ते सर्वसमावेशक होते. आताच्या मोदीसरकार सारखे ते नव्हते. त्यांचे सरकार पडणार होते तेव्हा आम्ही त्यांना पाठिंबा दिला होता.

मनोहर पर्रिकर… माजी पंतप्रधान अटल बिहारी वाजपेयी यांच्या निधनाने आपल्याला अतीव दुःख झाले असून भारताने अटलजींच्या रूपाने महान नेता गमावला आहे. वाजपेयी हे दूरदृष्टी असलेले लोकनेते होते. वाजपेयी यांनी आपले पूर्ण जीवन देशाच्या आणि लोकांच्या सेवेसाठी वाहिले

शहनवाझ हुसैन…भाजपचे नेते व खासदार शहनवाझ हुसैन यांनी माजी पंतप्रधान अटल बिहारी वाजपेयी यांच्या आठवणींना उजाळा दिला आहे. यावेळी त्यांनी हजचा एक किस्सा सांगितला. “मी हजच्या मंडळात होतो व हजहून परतलो होतो. तेथून मी आब ए जमजम, हज चा साफा, टोपी आणली होती. मी त्या सर्व वस्तू वाजपेयी यांच्या हातात दिल्या. त्यावेळी साफा बघून त्यांनी ही हातात ठेवायची वस्तू नाही घालण्याची आहे असं म्हटल. त्यांच बोलणं ऐकूण मला आश्चय वाटल. वाजपेयी शेखांचा पेहराव कसा घालणार असे मला वाटले. पण त्यांनी खुप हौसेने तो पेहराव घातला.त्यानंतर आम्ही त्यांच्याबरोबर फोटोही काढले.

रतन टाटा, प्रसिद्ध उद्योगपती …वाजपेयींच्या निधनामुळे देशाचे कधीही न भरून निघणारी हानि झाली आहे. ज्येष्ठ नेते असूनही ते फार साधे होते. रागाचा किचिंत लवलेशही त्यांच्यात नव्हता. सध्याच्या नेत्यांना त्यांच्याकडून खूप काही शिकण्यासारखे आहे.

सुमित्रा महाजन, लोकसभा अध्यक्ष …अटलजी हे राजकारणाच्या आकाशातील सर्वात तेजस्वी तारा होते. सर्वांना एकत्र आणून काम करण्याची क्षमता त्यांच्यात होती. विरोधकांनाही त्यांच्याविषयी विचारले तर त्यांच्याकडूनही

कांती मिश्रा. अटलजींच्या पुतणी… मला वाजपेयींना भाषण करताना बघायचे होते. आम्ही त्यांना कधीच विसरु शकत नाही.