शहापूर तालुक्यात आज सलग दुसऱया दिवशीही अवकाळी पावसाने चांगलाच तडाखा दिला. वाऱयासह कोसळलेल्या पावसाने तालुक्यातील 100 घरांची पडझड झाल्याने अनेक कुटुंबांचा संसार उघडय़ावर आला आहे. तसेच वीज पडून चार बकऱयांचा मृत्यू झाला आहे. तालुक्यातील आवाळे ग्रामपंचायतीमधील जांभुळपाडा येथे चांदनी त्रिंबक भांगरे यांच्या चार बकऱयांचा वीज पडून मृत्यू झाला आहे, तर दत्ता मोरे, सुरेखा वेखंडे, दत्तू भला, भालचंद्र भगत, पांडुरंग भस्मा, रंजना घाटाळ, केशव पोकळा, रामदास आगिवले, भाऊ दरोडा, बाळू वाघ, अतुल कापटे, बबन तातले यांसह अनेकांच्या घराचे नुकसान झाले. सलग चौथ्या दिवशी आज मोखाडय़ाला अवकाळीने झोडपले. या वादळी पावसासह गारपिटीमुळे काही भागात विद्युत पुरवठा खंडित झाला होता. या अवकाळीमुळे डोल्हारा, साखरवाडी, सावर्डे, भोवाडी गावांमधील जवळपास 65 घरांचे नुकसान झाले.
