ट्विटर कंपनीची मालकी घेतल्यानंतर गेल्या काही दिवसांत धोरणात्मक बदल घडवून आणणारे एलॉन मस्क यांनी मायक्रोब्लॉगिंग वेबसाइटवर लाखो युझर्सना ‘मी ट्विटरच्या प्रमुखपदावरून पायउतार व्हावे का?’ असा प्रश्न विचारत पोल मागितला आहे.
विशेष म्हणजे असा प्रश्न विचारतानाच ‘मी या मतदानाच्या निकालांचे पालन करेन’, असेही मस्क यांनी एका ट्विटमध्ये म्हटले आहे.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
‘पुढे जाऊन, मोठ्या धोरणात्मक बदलांसाठी मतदान होईल. माफी मागतो. पुन्हा होणार नाही’, असे त्यांनी दुसर्‍या ट्विटमध्ये म्हटले आहे.
तिसर्‍या ट्विटमध्ये मस्क म्हणाले की, ‘म्हणून कायम लक्षात ठेवा, तुम्हाला जे हवे आहे त्याची काळजी घ्या, कारण तसेच तुम्हाला ते मिळेल’.
ट्विटरने रविवारी Facebook, Instagram आणि Mastodon यासह इतर विशिष्ट सोशल मीडिया प्लॅटफॉर्मवरील अकाउंट्सचा ट्विटरवर प्रचार करण्यासाठी वापरल्या जाणार्‍या खात्यांवर बंदी घालण्याची घोषणा केली होती. त्यानंतर हा पोल आला आहे.
‘आम्ही जाणतो की आमचे बरेच युझर्स इतर सोशल मीडिया प्लॅटफॉर्मवर सक्रिय आहेत. तसेच, आम्ही यापुढे ट्विटरवर काही सोशल मीडिया प्लॅटफॉर्मच्या विनामूल्य जाहिरातीला परवानगी देणार नाही’, असे ट्विटर सपोर्टने ट्विट केले आहे.
शिवाय, ट्विटरने सांगितले की ते अद्याप कोणत्याही सोशल मीडिया प्लॅटफॉर्मवरून मीडिया क्रॉस-पोस्ट करण्याची परवानगी देते. “वर सूचीबद्ध नसलेल्या सोशल मीडिया प्लॅटफॉर्मवर लिंक किंवा युझर्सच्यानावे पोस्ट करणे देखील या धोरणाचे उल्लंघन करत नाही.’
ट्विटरच्या नियमांमधील हा बदल अशा वेळी समोर आला आहे जेव्हा मस्क यांना प्लॅटफॉर्मवर मोठ्या धोरणात्मक बदलांसाठी टीकेचा सामना करावा लागला आहे.
