आयबीपीएसतर्फे प्रोबेशनरी ऑफिसर्स/ मॅनेजमेंट ट्रेनी या पदासाठी परीक्षा घेण्यात येणार आहेत. या परीक्षेच्या पूर्वतयारीकरिता स्पर्धात्मक लेखी परीक्षेत जास्तीत जास्त उमेदवार यशस्वी व्हावेत याकरिता शिवसेना भवन येथून ऑगस्ट महिन्यात परीक्षेपूर्वी ऑनलाइन प्रशिक्षण वर्गाचे आयोजन करण्यात येणार आहे.
शिवसेना पक्षप्रमुख उद्धव ठाकरे यांच्या सूचनेनुसार स्थानीय लोकाधिकार समिती महासंघाचे अध्यक्ष शिवसेना सचिव, खासदार अनिल देसाई, महासंघ कार्याध्यक्ष विलास पोतनीस, आमदार सुनील शिंदे, महासंघाचे सरचिटणीस प्रदीप मयेकर यांच्या मार्गदर्शनाखाली नोकरभरती प्रशिक्षण वर्गाचे आयोजन करण्यात आले आहे.
प्रशिक्षण कालावधी 8 ते 10 दिवसांचा असेल. ज्या उमेदवारांना या प्रशिक्षण वर्गाचा लाभ घ्यावयाचा असेल त्यानी नावनोंदणीसाठी शिवसेना भवन येथे गुरुवार, 31 जुलै 2025 पर्यंत शरद एक्के (9892699215), श्रीराम विश्वासराव (9869588469), विलास जाधव (9619118999), सुधाकर नर (8369442951) यांच्याशी सायंकाळी 5 ते रात्री 8.30 या वेळेत रविवार व सुट्टीचे दिवस वगळून संपर्क साधावा, असे महासंघाचे संघटक सचिव व प्रशिक्षण वर्ग प्रमुख उमेश नाईक यांनी प्रसिद्धीस दिलेल्या पत्रकाद्वारे कळविले आहे.
