एलआयसीतर्फे सहाय्यक प्रशासकीय अधिकारी (Assistant Administrative Officer) या पदासाठी 3 ऑक्टोबर रोजी परीक्षा घेण्यात येणार आहे. या परीक्षेच्या पूर्व तयारीकरिता स्पर्धात्मक लेखी परीक्षेत जास्तीत जास्त उमेदवार यशस्वी व्हावेत याकरिता स्थानीय लोकाधिकार समिती महासंघातर्फे शिवसेना भवन येथून सप्टेंबर महिन्यात ऑनलाइन, ऑफलाइन प्रशिक्षण वर्गाचे आयोजन करण्यात येणार आहे.
शिवसेना पक्षप्रमुख उद्धव ठाकरे यांच्या सूचनेनुसार स्थानीय लोकाधिकार समिती महासंघाचे अध्यक्ष, शिवसेना सचिव-खासदार अनिल देसाई, महासंघाचे कार्याध्यक्ष विलास पोतनीस, आमदार सुनील शिंदे, महासंघ सरचिटणीस प्रदीप मयेकर यांच्या मार्गदर्शनाखाली प्रशिक्षण वर्गाचे आयोजन करण्यात आले आहे.
प्रशिक्षण कालावधी आठ ते दहा दिवसांचा असेल. ज्या उमेदवारांना या प्रशिक्षण वर्गाचा लाभ घ्यावयाचा असेल त्यांनी नावनोंदणीसाठी शिवसेना भवन येथे 15 सप्टेंबरपर्यंत शरद एक्के (9892699215), श्रीराम विश्वासराव (9869588469), विलास जाधव (9619118999), सुधाकर नर (8369442951) यांच्याशी सायंकाळी 5 ते रात्री 8.30 या वेळेत रविवार व सुट्टीचे दिवस वगळून संपर्क साधावा, असे महासंघाचे संघटक सचिव व प्रशिक्षण वर्गप्रमुख उमेश नाईक यांनी प्रसिद्धी पत्रकाद्वारे कळविले आहे.
