सोनम वांगचुक यांच्या अटकेशी संबंधित प्रकरणात केंद्र सरकारने बुधवारी सर्वोच्च न्यायालयात सांगितले की, वांगचुक यांना सध्या सोडता येणार नाही. न्यायमूर्ती अरविंद कुमार आणि न्यायमूर्ती पी.बी. कराळे यांच्या खंडपीठाने सरकारला वांगचुक यांना वैद्यकीय कारणास्तव सोडण्याबद्दल विचारले होते.यावर सॉलिसिटर जनरल तुषार मेहता यांनी न्यायालयाला सांगितले की, वांगचुक यांची तुरुंग नियमावलीनुसार आतापर्यंत सुमारे 24 वेळा वैद्यकीय तपासणी झाली आहे. ते म्हणाले की, वांगचुक पूर्णपणे फिट आहेत. त्यांना फक्त पचनाची समस्या आणि संसर्ग झाला होता, ज्यावर उपचार करण्यात आले आहेत. मेहता म्हणाले की, अशा समस्येला अपवाद मानून त्यांना सोडले तर पुढे इतर लोकही अशीच मागणी करतील. ते म्हणाले की, ज्या आधारांवर वांगचुक यांना ताब्यात घेण्यात आले होते, ते अजूनही कायम आहेत. त्यामुळे आरोग्याच्या कारणास्तव सुटका करणे शक्य नाही आणि असे करणे योग्यही ठरणार नाही.
