बॉलिवूडमध्ये आमिर खानची ओळख ही मिस्टर परफेक्शनिस्ट अशी आहे. आमिर खानचे स्वतःचे असे नियम असल्यामुळे, आमिर खान हा कायम चर्चेत असतो. आता आमिर खान पुन्हा एकदा चर्चेत आलेला आहे. खरंतर आमिर खानचे स्वतःचे वैयक्तिक सोशल मीडिया अकाउंट नाही. पण आमिर खान प्रॉडक्शनचे स्वतःचे सोशल मीडिया हँडल आहे. इथेच आमिर त्याच्या चित्रपटांशी संबंधित अपडेट्स त्याच्या चाहत्यांसोबत शेअर करतो. आता अभिनेत्याने एक नवीन पाऊल उचलले आहे. आमिरने त्याचे यूट्यूब चॅनल लाँच केले आहे आणि त्यामागे एक खास उद्देश आहे. आमिरच्या या यू ट्यूब चॅनलचे नाव ‘आमिर खान टाॅकिज’ असे ठेवण्यात आलेले आहे.
View this post on Instagram
आमिर खान प्रॉडक्शन हाऊसच्या सोशल मीडिया हँडलने शेअर केली आहे, ज्याच्या कॅप्शनमध्ये लिहिले आहे – सिनेमा, कथा आणि अनफिल्टर केलेले क्षण. आमिर खानच्या यू ट्यूब चॅनलची घोषणा होताच आमिरच्या चाहत्यांनी चॅनल सबस्क्राईब करायला सुरुवात केलेली आहे. अवघ्या काही तासांमध्येच हजारोंच्यावर चॅनल सबस्क्राइब केलेले आहे.
बाॅलिवूडमधील बहुसंख्य स्टार सोशल मीडियावर सक्रिय असतात. शाहरुख खानपासून ते सलमानपर्यंत सर्वांचेच चाहते खूप मोठे आहेत. याशिवाय अमिताभ बच्चनपासून ते धर्मेंद्रपर्यंत सर्वजण सोशल मीडियावर सक्रिय राहतात. पण आमिर खान कोणत्याही सोशल मीडिया प्लॅटफॉर्मवर नाही. ते फक्त त्याचं प्रोडक्शन हाऊस आहे. या माध्यमातून तो फॅन्ससोबत संवाद साधतो आणि चित्रपटा संदर्भात सर्व अपडेट्स देतो. पण आता आमिर खान युट्यूबवर आला आहे. या यू ट्यूब चॅनेलद्वारे शूटिंगमधील मनोरंजक कथा आणि किस्से आपल्याला पाहायला मिळणार आहेत.
