बाॅलीवूड अभिनेत्री दीपिका पदुकोण हिने आई झाल्यानंतर, कामाचे तास कमी करण्याची केलेली मागणी आता तिच्यासाठी धोक्याची घंटा ठरत आहे. दीपिकाच्या अवास्तव मागण्यांना कंटाळून दीपिकाला स्पिरीट या चित्रपटातून तिला डच्चू देण्यात आलेला होता. आता स्पिरीटनंतर ‘कल्की-2’ या चित्रपटातूनही दीपिकाला काढून टाकण्यात आलेले आहे.
दीपिकाच्या अव्यावसायिक मागण्यांमुळे संदीप वांगा रेड्डी नाराज झाल्यानंतर त्याने दीपिकाला थेट बाहेरचा रस्ता दाखवला होता. हा वाद ताजा असतानाच, आता दीपिकाला कल्की-2 मधूनही बाहेरचा रस्ता दाखवण्यात आलेला आहे. स्पिरीट चित्रपटाच्या शूटिंगदरम्यान, दीपिकाने 8 तास काम करण्याची विनंती केली होती. तसेच दीपिकाने चित्रपटाच्या नफ्यातील वाट्यासह, मानधनातही वाढ केली होती. या मागण्यांना कंटाळून संदीप रेड्डी वांगा यांनी दीपिकाला बाहेर काढले.
दीपिकाला चित्रपटातून काढल्यानंतर, चित्रपटाविषयीच्या बातम्या एकामागून एक बाहेर येत राहिल्या. यामुळे दिग्दर्शकांनी दीपिका पदुकोणला त्यांच्या स्टाइलने फटकारले. नॉन डिस्क्लोजर अ‍ॅग्रीमेंट संदीप रेड्डी वांगा यांनी कोणाचेही नाव न घेता लिहिले आहे की, पुढच्या वेळी संपूर्ण कहाणी सांगा. कारण या गोष्टी मला अजिबात महत्त्वाच्या नाहीत. संदीप रेड्डी वांगा यांनी त्यांच्या एक्स पोस्टमध्ये लिहिले आहे की, ” मी एखादी कथा अभिनेत्याला सांगतो तेव्हा आमच्यात विश्वासार्हता असते. आमच्यात एक न बोललेला एनडीए (नॉन डिस्क्लोजर अ‍ॅग्रीमेंट) आहे. पण हा करार तोडून तसेच तुमच्यापेक्षा लहान असलेल्या अभिनेत्रींना कमी लेखून आणि माझी कहाणी उघड करता, हाच तुमचा स्वभाव आहे का? एक चित्रपट निर्माता म्हणून, मी वर्षानुवर्षे माझ्या कलाकृतीवर कठोर परिश्रम केले आहेत आणि माझ्यासाठी चित्रपट निर्मिती हेच सर्वस्व आहे. अर्थात केलेल्या या कृत्याचा मला अजिबात फरक पडत नाही. हे सर्व बघून मला फक्त इतकेच म्हणावेसे वाटते, खुंदक में बिल्ली खंबा नोचे..
