भाजपा नेत्या पंकजा मुंडे यांना करोनाची लागण झाल्याची बातमी समोर येत आहे. त्यांनी स्वतः ट्विट करत याबाबत माहिती दिली आहे. आपल्या संपर्कात आलेल्यांना चाचणी करण्याचं आवाहन त्यांनी केलं आहे.
पंकजा यांनी आपल्या ट्विटमध्ये लिहिलं आहे की, “माझी करोना चाचणी पॉझिटिव्ह आली. मी आधीच काळजी घेत असून क्वारंटाइन आहे. मी अनेक करोना रुग्णांच्या कुटुंबीयांची भेट घेतली असून त्याद्वारे संसर्ग झाला असावा. माझ्यासोबत जे होते त्यांनीदेखील चाचणी करुन घ्या..काळजी घ्या”, असं ट्विट त्यांनी केलं आहे.
I m tested Corona positive…I m already Isolated taking precautions.. I met so many people n families of Corona victims I must have caught there ..those who were with me plz get ur tests done..take care ..
— Pankaja Gopinath Munde (@Pankajamunde) April 29, 2021
दरम्यान, पंकजा यांचे बंधू आणि राज्याचे सामाजिक न्याय मंत्री धनंजय मुंडे यांनी बहिणीसाठी ट्विट करत काळजी घेण्यास सांगितलं आहे. धनंजय मुंडे यांनी आपल्या ट्विटमध्ये लिहिलं आहे की,’ ताई, या विषाणूचा सामना मी दोनवेळा केलाय, यामुळे होणाऱ्या त्रासाची मला जाणीव आहे. डॉक्टरांच्या सल्ल्याने तातडीने योग्य उपचार घ्या. घरच्या सर्वांची टेस्ट करून घ्या, मोठा भाऊ म्हणून मी सोबत आहेच. प्रभू वैद्यनाथाच्या आशीर्वादाने आपण लवकरच बऱ्या व्हाल, काळजी घ्या.’
ताई, या विषाणूचा सामना मी दोनवेळा केलाय, यामुळे होणाऱ्या त्रासाची मला जाणीव आहे. डॉक्टरांच्या सल्ल्याने तातडीने योग्य उपचार घ्या. घरच्या सर्वांची टेस्ट करून घ्या, मोठा भाऊ म्हणून मी सोबत आहेच. प्रभू वैद्यनाथाच्या आशीर्वादाने आपण लवकरच बऱ्या व्हाल, काळजी घ्या @Pankajamunde ताई. https://t.co/vgZ1Uvkbgt
— Dhananjay Munde (@dhananjay_munde) April 29, 2021
