एअर इंडियाच्या ड्रीमलायनर विमानाचा 12 जून रोजी अपघात झाला. लंडनला निघालेल्या या बोईंग विमानाने अहमदाबाद येथील सरदार वल्लभभाई पटेल आंतरराष्ट्रीय विमानतळावरून उड्डाण केले होते. उड्डाणानंतर काही सेकंदात हे विमान कोसळले. या अपघातात विमानातील प्रवाशांसह 270 हून अधिक नागरिकांचा मृत्यू झाला होता. या अपघाताचा एक व्हिडीओही व्हायरल झाला होता. आताही अशाच एका बोईंग विमानाच्या अपघाताची पुनरावृत्ती थोडक्यात टळली आहे.
इंडोनेशियातील टांगरेंग शहरातील विमानतळावरील एक व्हिडीओ सध्या सोशल मीडियावर व्हायरल होत आहे. बोईंग विमान धावपट्टीवर उतरत असताना मुसळधार पाऊस आणि वादळी वारे सुरू होते. या खराब हवामानाचा तडाखा विमानाला बसला आणि धावपट्टीवर स्पर्श होताच विमान एका बाजुला कलंडले. दैव बलवत्तर म्हणून आणि पायलटने प्रसंगावधान राखल्याने मोठी दुर्घटना टळली.
1/3: Sore ini cuaca buruk di bandara Soekarno-Hatta (CGK) mengakibatkan banyak yang go-around, namun juga menguji kemampuan crew dalam cross landing technique mereka, meskipun ada metode yang jarang digunakan di Indonesia keliatannya ngeri…
Liat aja reaksi ngeliat yang ini: pic.twitter.com/V6OsrBtsKf
— Gerry Soejatman (@GerryS) June 28, 2025
माध्यमातील वृत्तानुसार, बतिक एअर कंपनीचे बोईंग 737 हे विमान मुसळधार पाऊस आणि वादळी वाऱ्यात अडकले. हे विमान शनिवारी इंडोनेशियातील टांगेरंग शहरातील सोएकार्नो-हट्टा आंतरराष्ट्रीय विमानताळवर उतरत असताना हवामान खराब झाले आणि थोडक्यात अपघात टळला. याचा व्हिडीओही सध्या सोशल मीडियावर व्हायरल झाला आहे.
व्हिडीओमध्ये स्पष्ट दिसतेय की, विमान उतरत असताना मुसळधार पाऊस सुरू असून दृश्यमानता कमी झालेली आहे. याचाच फटका विमानाला बसला आणि विमानाची मागची चाके धावपट्टीवर स्पर्श होत असताना विमान एका बाजुला कलंडते. विमानाचे पंखे जमिनीवर घासली जातात. यामुळे प्रवाशांचाही थरकाप उडतो. अखेर पायलट प्रसंगावधान दाखवतो आणि विमान धावपट्टीवर सुखरूप उतवरतो.
एअर इंडियाच्या विमानात दारू पिऊन तरुणाचा धिंगाणा, एअर होस्टेसचा विनयभंग; सीआयएसएफने केली अटक
