दरदिवशी सोशल मीडियावर वेगवेगळे व्हिडीओज व्हायरल होत असतात. काही लोटपोट हसवणारे असतात तर काही फार विचित्र व्हिडीओ पाहायला मिळतात. अशातच एक व्हिडीओ प्रचंड व्हायरल होत असून तो सर्वांचे लक्षवेधून घेत आहे. एक कपल चक्क धावत्या स्कूटरवर आंघोळ करताना दिसत आहेत. हा विचित्र प्रकार ठाण्याजवळ घडला असून याप्रकरणी दोघांविरोधात तक्रार दाखल करण्यात आली आहे.
व्हायरल होत असलेल्या व्हिडीओमध्ये एक प्रेमीयुगूल धावत्या स्कूटीवर आंघोळ करताना दिसत आहेत. तरुण स्कूटी चालवत आह, तर तरुणी त्याच्यापाठी बादली घेऊन बसली आहे. त्यातून ती मगाने पाणी घेत कधी तरुणाच्या अंगावर पाणी ओततेय तर कधी स्वत:च्या अंगावर ते पाणी ओततेय. हा विचित्र प्रकार पाहून लोकं आश्चर्य व्यक्त करत आहेत. पहिल्यांदा पाहिल्यावर असे वाटेल की उकाड्यापासून वाचण्यासाठी अशी अजब शक्कल लढवली असेल. मात्र रिल्सच्या जमान्यात काहीही शक्य आहे.
@DGPMaharashtra @ThaneCityPolice
This is ulhasnagar, Is such nonsense allowed in name of entertainment? This happened on busy Ulhasnagar Sec-17 main signal.Request to take strict action lncluding deletion of social media contents to avoid others doing more nonsense in public. pic.twitter.com/BcleC95cxa— WeDeserveBetterGovt.🇮🇳 (@ItsAamAadmi) May 15, 2023
ट्विटरवर @ItsAamAadmi हॅण्डलवर शेअर करण्यात आलेला व्हिडीओला आतापर्यंत चार हजारहून अधिक व्ह्यूज मिळाले आहेत. ज्यावर अनेकांना प्रतिक्रिया दिल्या आहेत. यूजरने ठाणे पोलीस आणि डीजीपी महाराष्ट्रला टॅग करत मनोरंजनाच्या नावाखाली असा मूर्खपणाला परवानगी आहे का? यासोबतच यूजरने सांगितले की, ही घटना उल्हासनगर सेक्टर 17 येथे घडली आहे.
व्हिडीओमध्ये दिसत असलेल्या तरुणाचे नाव आदर्श शुक्ला (32) आहे. हे प्रकरण व्हायरल होताच पोलिसांनी व्हिडीओची दखल घेत त्याच्यावर कारवाई सुरु केली आहे, मीडिया वृत्तानुसार, आदर्शविरोधात हेल्मेट न घातल्याने आणि जीव धोक्यात घातल्याची तक्रार दाखल करण्यात आली आहे.
