दुबईहून जयपूरला येणाऱ्या एअर इंडिया एक्स्प्रेसच्या विमानात एका तरुणाने दारू पिऊन धिंगाणा घातल्याचा प्रकार उघडकीस आला आहे. या तरुणाने एका एअर होस्टेससोबत विनयभंग आणि गैरवर्तन केल्याची घटना घडली. शनिवारी रात्री 3 – वाजता जयपूर आंतरराष्ट्रीय विमानतळावर – उतरलेल्या फ्लाइट क्रमांक आयएक्स १९५ मध्ये ही घटना घडली. या प्रवाशाला सीआयएसएफने ताब्यात घेतले आणि नंतर विमानतळ पोलिसांकडे सोपवले.
आरोपी तरुणाचे नाव दिनेश असून, तो विमानात 15 बी क्रमांकाच्या सीटवर बसला होता. दिनेशने विमानात बसताच दारू पिण्यास सुरुवात केली. जेव्हा एअर होस्टेसने त्याला मद्यपान करण्यापासून रोखले, तेव्हा तो प्रचंड चिडला आणि त्याने वाद घालण्यास सुरुवात केली. तसेच एअर होस्टेसला दमदाटी करत तिच्याशी गैरवर्तन केले. तरुणाने एअर होस्टेसला कुठेही स्पर्श करण्यास सुरुवात केली आणि तिला सातत्याने त्रास देत राहिला. त्यानंतर इतर क्रू मेंबर्सनी त्याला रोखले. त्यामुळे तो त्यांच्याशीही वाद घालत बसला. विमान जयपूरला पोहोचताच सर्व माहिती सीआयएसएफला देण्यात आली. सीआयएसएफने विमान लैंडिंग होताच दिनेशला ताब्यात घेतले. चौकशीनंतर त्याला विमानतळ पोलिसांकडे सोपवण्यात आले. एअर होस्टेसच्या तक्रारीवरून पोलिसांनी दिनेशविरोधात गुन्हा दाखल केला असून, याप्रकरणी अधिक चौकशी सुरू आहे.
