वास्तुशास्त्र हे सकारात्मक आणि नकारात्मक ऊर्जेवर आधारित आहे. काहीवेळा सर्वकाही बरोबर असूनही घरात प्रसन्नता राहत नाही. अनेकदा होत आलेल्या कामात अडथळा निर्माण होतो. घरातील वास्तुदोषांमुळे असे घडते. वास्तुदोष असल्यास घरात नकारात्मक ऊर्जा येते. घरातील नकारात्मकता मुळापासून दूर करण्यासाठी वास्तूचे काही उपाय खूप प्रभावी आहेत. त्याबद्दल जाणून घ्या.
फर्निचर बदला.
घरात ठेवलेल्या फर्निचरमध्येही ऊर्जा असते. घरातील फर्निचर वेळोवेळी बदलले पाहिजे. बदलणे म्हणजे नवीन फर्निचर विकत घेणे नव्हे, तर त्यांची जागा बदलत राहणे. बेडरूममध्ये ठेवलेल्या बेडची जागा तुम्ही बदलू शकता. ड्रॉइंग रूममध्ये ठेवलेला सोफाही काही दिवसांनी बदलता येतो. वास्तूनुसार, कोणतीही वस्तू एका जागी जास्त वेळ ठेवल्याने तिची ऊर्जाही बराच काळ तिथे बांधलेली राहते. म्हणूनच फर्निचरची देवाणघेवाण आपसात व्हायला हवी.
मिठाच्या पाण्याने फरशी पुसा.
घरातील फरशी पुसताना पाण्यात चिमूटभर मीठ टाका. वास्तुमध्ये मिठाने पुसणे हा एक अतिशय प्रभावी उपाय मानला गेला आहे. जंतूंचा नाश करण्यासोबतच ते नकारात्मक ऊर्जादेखील काढून टाकते. घरी नियमितपणे मिठाच्या पाण्याने पुसणे फायदेशीर आहे. बेडरूममध्ये काचेच्या भांड्यात रॉक सॉल्ट ठेवल्याने घरातील नकारात्मक ऊर्जाही दूर होते.
रद्दी घराबाहेर काढा.
घरात ठेवलेली रद्दी नकारात्मक ऊर्जा आणते. कोणत्याही प्रकारच्या अनावश्यक वस्तू घरात ठेवू नका. जर तुम्ही खूप दिवसांपासून कोणतीही वस्तू वापरत नसाल, तर ती घराबाहेर काढा. तुमच्याजवळ खराब जुने इलेक्ट्रॉनिक्स, फर्निचर, तुटलेल्या वस्तू किंवा जुनी रद्दी आजूबाजूला पडली असल्यास, त्यांना ताबडतोब घरातून काढून टाका. वास्तूनुसार घरात ठेवलेली रद्दी नकारात्मक ऊर्जा आकर्षित करते.
घर सुगंधित ठेवा.
आपले घर नेहमी सुगंधित ठेवले पाहिजे. सकाळी लवकर आपल्या घरी ताजी फुले आणा आणि घरात सुगंध पसरवा. यामुळे घरातील वातावरण बदलते आणि सकारात्मक ऊर्जा मिळते. तुम्ही तुमच्या स्वतःच्या बागेतील फुले लावू शकता किंवा बाजारातून फुले विकत घेऊन सकाळी घरातील फुलदाणीतही लावू शकता.
घराला पडदे लावा.
वास्तुशास्त्रानुसार वेगवेगळ्या रंगांचे पडदे घरामध्ये दिशांनुसार लावावेत.
वाद-तंटे संपवण्यासाठी लावा लाल पडदा.
वास्तुशास्त्रानुसार घरांमध्ये बसवलेले पडदे आणि त्यांचा रंग घरातील अनेक समस्या दूर करू शकतात. म्हणूनच पडदे निवडताना रंगांची काळजी घेतली पाहिजे. जर तुमच्या घरातील सदस्यांमध्ये एखाद्या गोष्टीवरून वाद होत असेल आणि नेहमी मतभेदाचे वातावरण असेल तर अशा स्थितीत घराच्या दक्षिण दिशेला लाल रंगाचा पडदा लावावा. असे मानले जाते की लाल रंगाचे पडदे लावल्याने घरातील परस्पर मतभेद दूर होतात आणि कुटुंबातील सदस्यांमध्ये प्रेम, विश्वास आणि बंधुभाव वाढतो.
आर्थिक समस्यांसाठी पांढरे पडदे लावा.
अनेकांना त्यांच्या मेहनतीनुसार नफा मिळत नाही. तुमच्या घराच्या पश्चिमेकडील दारात पांढऱ्या रंगाचे पडदे लावा. वास्तुशास्त्रानुसार असे केल्याने तुम्हाला तुमच्या मेहनतीचे योग्य फळ मिळेल. पांढरा रंग शांततेचे प्रतीक मानला जातो, ज्यामुळे तुमच्या कुटुंबातही शांतता टिकून राहते. तसेच, जर तुमची बेडरूम घराच्या उत्तर-पश्चिम दिशेला असेल तर तुम्ही तुमच्या बेडरूमच्या खिडकी किंवा दारात क्रीम किंवा पांढर्‍या रंगाचे पडदे लावू शकता.
घरात आनंदासाठी लावा हिरव्या रंगाचे पडदे.
हिरवा रंग आनंद आणि निसर्गाचे प्रतीक आहे. वास्तुशास्त्रानुसार अनेक लोक कामाच्या शोधात रात्रंदिवस इकडे तिकडे भटकतात. तरीही त्यांना यश मिळत नाही. जर तुमच्यासोबतही असे होत असेल तर घराच्या पूर्वेकडील दारात हिरव्या रंगाचे पडदे नक्कीच लावा. वास्तुशास्त्रात हा रंग शुभ मानला जातो. तसेच ज्योतिष शास्त्रानुसार हा रंग शुभ आहे. घरामध्ये हिरवे पडदे लावल्याने समृद्धी येते
