रस्त्याने पायी जाणाऱ्या नागरिकांकडील सोन्याचा ऐवज काढून घेऊन पसार होणाऱ्या दोघांकडून मुलुंड पोलिसांनी पाच लाख 30 हजार किमतीची सोन्याची लगड हस्तगत केली. हस्तीमल जैन हे व्यावसायिक असून 13 तारखेला विणानगर बस स्टॉपसमोर आले असता दोघा भामटय़ांनी त्यांना अडवले. तसेच पुढे काहीतरी घडले आहे असे सांगत जैन यांना त्यांच्या हातातील सोन्याच्या चार अंगठय़ा आणि सोन्याची चेन काढून घेतली. याप्रकरणी मुलुंड पोलीस ठाण्यात गुन्हा दाखल झाल्यानंतर पोलिसांनी तपासादरम्यान आरोपी रमेश जयस्वाल आणि अनिल शेट्टी या दोघांना उल्हासनगर पोलिसांनी अटक केल्याचे कळताच मुलुंड पोलिसांनी दोघांचा ताबा घेतला. त्यानंतर गुह्यांची उकल करत सोन्याची लगड हस्तगत केली.
