भारतीय नौदलाने चोवीस तासांत दुसरे यशस्वी ऑपरेशन केले आहे. आता भारतीय नौदलाने सोमालियातील 11 चाच्यांच्या तावडीतून पाकिस्तानच्या 19 नागरिकांची सुखरुप सुटका केली आहे. मंगळवारी, भारतीय नौदलाने माहिती दिली की, त्यांच्या जहाज सुमित्राने एफव्ही अल नैमी या मासेमारी जहाजाचा चाचेगिरीचा प्रयत्न हाणून पाडला आहे.
भारतीय नौदलाच्या सैनिकांनी सोमालियाच्या पूर्व किनाऱ्यावर चाचेगिरीविरोधी ही कारवाई केली. यापूर्वी भारतीय नौदलाने एफव्ही इमानवर चाचेगिरीचा प्रयत्न हाणून पाडला होता. भारतीय नौदलाने दिलेल्या माहितीनुसार, ‘आयएनएस सुमित्रा’ या युद्धनौकेने ‘एफव्ही अल नैमी’ला रोखले आणि त्यानंतर कारवाई केली. या वेळी चाच्यांनी जहाजावरील 19 पाकिस्तानी लोकांना ओलीस ठेवल्याची माहिती समोर आली आहे. त्यानंतर ‘आयएनएस सुमित्रा’वर तैनात कमांडो पथकाने समुद्री चाच्यांना SOPs नुसार नौकेच्या कर्मचाऱ्यांसह सर्व जहाजावर सोडण्यास भाग पाडले.
Indian Naval Ship Sumitra, having thwarted the Piracy attempt on FV Iman, has carried out yet another successful anti-piracy operation off the East Coast of Somalia, rescuing Fishing Vessel Al Naeemi and her Crew (19 Pakistani Nationals) from 11 Somali Pirates: Indian Navy https://t.co/cqm0RxtQxB pic.twitter.com/NUIV0Cu5iK
— ANI (@ANI) January 30, 2024
‘आयएनएस सुमित्रा’ एडनच्या आखातात आणि सोमालियाच्या पूर्वेकडील चाचेगिरी आणि सागरी सुरक्षा ऑपरेशन्ससाठी तैनात आहे. सोमवारी एफव्ही इमानला समुद्री चाच्यांपासून मुक्त केले. भारतीय नौदलाचे प्रवक्ते कमांडर विवेक मधवाल म्हणाले की, भारतीय नौदलाने समुद्रातील सर्व खलाशी आणि जहाजांची सुरक्षा सुनिश्चित करण्यासाठी सर्व सागरी हल्ल्यावर कारवाई करण्याची या प्रदेशात आपली वचनबद्धता पुन्हा एकदा सिद्ध केली आहे.
