1) 26 ऑक्टोबरचा दिवस हा हिंदुस्थानसाठी आणि खासकरून जम्मू-कश्मीरमधल्या जनतेसाठी अत्यंत महत्वाचा दिवस आहे.
2) 15 ऑगस्ट 1947 ला हिंदुस्थान स्वतंत्र झाला, स्वातंत्र्यानंतर कश्मीर संस्थानाने पाकिस्तान किंवा हिंदुस्थानमध्ये विलय करण्यास नकार दिला होता.
3) कश्मीरला बळकावण्यासाठी पाकिस्तानी सैन्याने आफ्रिदी पठाणांच्या मदतीने कश्मीरात घुसखोरी केली.
4) या घुसखोरांनी स्थानिकांवर अनन्वित अत्याचार केले, लुटालुट केली आणि हैदास माजवला होता.
5) महाराजा हरीसिंह यांची फौज होती मात्र त्यांचा या हैवानांपुढे टिकाव लागला नाही. यामुळे कश्मीरातील महिलांनी मोठ्या प्रमाणात एकत्र येत शस्त्र उचलली.
6) शेवटच्या श्वासापर्यंत या घुसखोरांचा प्रतिकार करायचा अशं कश्मीरी जनतेने ठरवलं होतं.
7) हल्लेखोरांनी कश्मीरातील मुली-महिलांचे अपहरण केले आणि त्यांच्यावर अत्याचार केले.
8) हल्लेखोरांच्या जाळपोळीत नितांत सुंदर कश्मीरची राखरांगोळी व्हायला लागली होती
9) 26 ऑक्टोबरला या दहशतवाद्यांनी मकबूल शेरवानी नावाच्या एका तरुणाची बारामुल्ला चौकात गोळ्या घालून हत्या केली. मकबूल याने या दहशतवाद्यांपुढे झुकण्यास नकार दिला होता.
10) या अत्याचारांमुळे महाराजा हरीसिंह यांनी हिंदुस्थानकडे मदत मागितली. कश्मीर हिंदुस्थानात विलीन करण्याच्या अटीवर हिंदुस्थानने ही मदत करण्याची तयार दर्शवली.
11) 7 ऑक्टोबरला हिंदुस्थानी सैन्य कश्मीरात उतरलं. त्यानंतर हिंदुस्थानी सैन्याने रुद्रावतार धारण केला जो पाहिल्यानंतर पाकिस्तानी दहशतवाद्यांची पळता भुई थोडी झाली.
