गेला गेला म्हणता म्हणता कोरोना पुन्हा हातपाय पसरू लागला आहे. महाराष्ट्रासह देशभरात कोरोना विषाणूची लागण झालेल्या रुग्णांच्या संख्या झपाट्याने वाढताना दिसत आहे. गेल्या 24 तासात 764 जणांना कोरोनाची लागण झाली आहे, यामुळे रुग्णसंख्या 5 हजारांवर पोहोचल्याची माहिती केंद्रीय आरोग्य विभागाने दिली.
केंद्रीय आरोग्य मंत्रालयाने दिलेल्या माहितीनुसार, शुक्रवारी सकाळी आठ वाजेपर्यंत देशातील सक्रिय कोरोना रुग्णांचा आकडा 5364 वर पोहोचला होता. गेल्या 24 तासांमध्ये 764 रुग्णांची नोंद झाली, तर 4 रुग्णांचा मृत्यू झाला. यापैकी 2 मृत केरळ, तर एक पंजाब आणि एक कर्नाटकमधील आहे.
केरळ राज्यात सर्वाधिक 192 रुग्णांची नोंद झाली, तर महाराष्ट्रात 114 रुग्ण आढळले. त्यानंतर गुजरातमध्ये 107, पश्चिम बंगालमध्ये 28 आणि दिल्लीमध्ये 30 जणांना कोरोनाची लागण झाल्याचे स्पष्ट झाले.
‘पॉवर’फूल लवंग तेल! लैंगिक समस्येसह ‘या’ आजारांवरही आहे वरदान!!
दरम्यान, महाराष्ट्रामध्ये जानेवारीपासून 1276 कोरोना रुग्ण आढळले आहेत. तर 18 जणांचा मृत्यू झाला आहे. शुक्रवारी पुण्यात सर्वाधिक 44, तर मुंबईमध्ये 37 रुग्णांची नोंद झाली.
