महाराष्ट्र शासनाच्या सार्वजनिक आरोग्य विभागाच्या विद्यमाने वैद्यकीय व दंत महाआरोग्य शिबिराचे आयोजन करण्यात आले असून सोमवारी युवासेना प्रमुख व शिवसेना नेते आदित्य ठाकरे यांच्या शुभ हस्ते या शिबिराचा उदघाटन सोहळा ठाणे येथे मोठ्या उत्साहात संपन्न झाला. यावेळी शिवसेना नेते, मंत्री एकनाथ शिंदे, खासदार श्रीकांत शिंदे, प्रताप सरनाईक व आदि उपस्थित होते. या शिबिरांतर्गत मुख्यत्वे आदिवासी भागातील रुग्णांना विशेष तज्ज्ञांची विनामूल्य सेवा उपलब्ध करून दिली जाणार आहे.
युवासेनाप्रमुख @AUThackeray यांनी आज ठाणे येथे आरोग्यमंत्री @mieknathshinde जी यांच्या पुढाकाराने आयोजित करण्यात आलेल्या वैद्यकीय व दंत महाआरोग्य शिबिराचा शुभारंभ केला. pic.twitter.com/SktsLXzPtG
— ShivSena – शिवसेना (@ShivSena) August 26, 2019
राज्यातील आदिवासी भागातील रुग्णांना तज्ञ डॉक्टरांच्या आरोग्यसेवा उपलब्ध करून देण्यासाठी 16 जिल्ह्यांमध्ये शिबिराचे आयोजन करण्यात आले आहे. यामध्ये तज्ञ डॉक्टरांचा सल्ला, आरोग्य तपासणी, वैद्यकीय चाचण्या, मोफत औषधे व उपचार, आवश्यक शस्त्रक्रिया व दंतचिकित्सा यांचा समावेश असणार आहे.
