डिसेंबरच्या पहिल्याच दिवशी हजेरी लावणाऱ्या पावसामुळे मुंबई आणि आसपासच्या परिसरात कडकडीत थंडी जाणवायला लागली आहे.
मुंबईसह कोकण, उत्तर आणि मध्य महाराष्ट्रात 3 डिसेंबरपर्यंत सोसाटय़ाच्या वाऱ्यासह हा पाऊस राहणार असून हवामान खात्याने मुंबई, ठाण्याला ‘यलो अ‍ॅलर्ट’ जारी केला आहे.
थंडीमुळे मुंबईकरांना छत्री रेनकोटसोबतच स्वेटर, शालही बाहेर काढावी लागली आहे.
आंध्र प्रदेश आणि ओडिशाच्या दिशेने निघालेले चक्रीवादळ वायव्येला सरकल्याने अरबी समुद्र, मालदीव, लक्षद्विपमधील हवामान बदलले आहे. तिथे निर्माण झालेल्या कमी दाबाच्या पट्टय़ामुळे पाऊस होत असल्याचे हवामान खात्याने म्हटले आहे.
