गर्भनिरोधक अर्थात कंडोमबाबत आजही आपल्याकडे दबक्या आवाजात चर्चा होते. तसेच कंडोम खरेदी करण्याची काहींना लाजही वाटते. मात्र जगाच्या पाठीवर एक असाही देश आहे जिथे जवळपास प्रत्येक शाळेमध्ये कंडोम वेंडिंग मशीन आहे. ज्याला कोणाला याची गरज असेल तो किंवा ती या मशीनद्वारे हे कंडोम सहजासहजी मिळवू शकेल हा यामागील उद्देश आहे.
‘आज तक’ने दिलेल्या वृत्तानुसार, जगातील प्रगत देशापैकी एक असणाऱ्या फ्रान्समध्ये जवळपास 96 टक्के शाळांमध्ये कंडोम वेंडिग मशीन लावण्यात आलेल्या आहेत. या संदर्भात एक ट्वीट देखील व्हायरल होत आहे. अर्थात ही आकडेवारी जुनी असून फ्रान्समध्ये 2006 च्या दरम्यानच 96 टक्के शाळांमध्ये कंडोमच्या मशीन लावण्यात आल्या होत्या आणि आता ही टक्केवारी त्याहून अधिक वाढली असण्याची शक्यता आहे.
Nearly 96% of high schools in France have condom vending machines
— UberFacts (@UberFacts) March 31, 2021
वृत्तानुसार, फ्रान्समध्ये जवळपास 30 वर्षांपूर्वी अर्थात नव्वदच्या दशकामध्ये पहिली कंडोम वेंडिंग मशीन लावण्यात आली होती. एडसच्या रुग्णांची संख्या दिवसेंदिवस वाढ लागल्याने असे मशीन थेट शाळांमध्ये लावण्याचा निर्णय घेण्यात आला होता.
सुरक्षित लैंगिक संबंधांना प्रोत्साहन देण्यासाठी आणि कमी वयामध्ये गर्भवती राहण्याचे प्रमाण कमी करण्यासाठी शाळांमध्ये कंडोम मशीन लावण्यात आले. सरकारने ज्या शाळांमध्ये अशी कंडोम वेंडिंग मशीन लावले त्यामध्ये महाविद्यालयं, सरकारी आणि खासगी शाळा यांचाही समावेश आहे.
फ्रान्समध्ये कोरोनाचा कहर, राष्ट्रपतींनी केली तिसऱ्या लॉकडाऊनची घोषणा
दरम्यान, स्टेटिस्ताच्या एका अहवालानुसार, 2019 मध्ये इले-दे-फ्रान्स भागात सर्वात जास्त अर्थात 26 मिलियन कंडोमची विक्री झाली. त्यानंतर ऑवरगने-रौन-अल्पेलस भागात जवळपास 14.6 मिलियन कंडोमची विक्री झाली.
