ज्येष्ठ नागरिकांना बऱ्याचदा छातीत दुखते. पण हे लक्षण पुरुषांमध्ये दिसले तर त्याचा परिणाम कधीतरी हृदयविकारावर होऊ शकतो.
सतत थकवा जाणवत असेल तर तो वय वाढल्यामुळे नाही, तर हृदयविकाराचा झटका येण्याचे प्रमुख लक्षण आहे. बहुतांश महिलांमध्ये हे लक्षण हृदयविकाराचा झटका येण्याआधी पाहायला मिळाले आहे. अगदी लहान काम केल्यानेदेखील थकवा येतो.
श्वास घेण्यात सतत अडचण येत असेल तरीही नंतर हृदयविकाराचा झटका येऊ शकतो. जर सतत चक्कर येते आणि श्वास घेताना त्रास होत असेल तर लगेच डॉक्टरांना दाखवून त्यावर उपचार करून घ्या.
केस गळणे ही गोष्ट साधी दिसत असली तरी हृदयरोगाची मोठी जोखीम मानली जाते. यामुळे हृदयविकाराचा झटका येऊ शकतो. हे लक्षण साधारणपणे 50 टंक्क्यापेक्षा जास्त पुरुषांत दिसते, पण काही महिलांमध्येदेखील ते दिसते.
रात्रीच्या वेळी झोप यायलाच हवी. ती येत नसेल तर ही अनिद्रादेखील हृदयरोगाचा झटका येण्याची शक्यता खूप पटीने वाढवतो. हे लक्षणही महिलांमध्ये जास्त दिसून येते.
नेहमी पोटदुखी, सुजणे, पोट खराब होणे या समस्या भेडसावत असतील तर त्याकडे मुळीच दुर्लक्ष करू नका. कारण त्यामुळे पुढच्या काळात हृदयविकाराचा झटका येण्याची दाट शक्यता असते. हे लक्षण महिला आणि पुरुष दोघांमध्ये सारख्याच प्रमाणात दिसते.
