उत्तर प्रदेशात बहुप्रतिक्षित दिवाळी दीपोत्सव सुरू झाला आहे. या कार्यक्रमाचे आयोजन उत्तर प्रदेशच्या पर्यटन आणि संस्कृती विभागाने केले आहे. पंतप्रधान नरेंद्र मोदी प्रमुख पाहुणे म्हणून या कार्यक्रमाला उपस्थित राहिले. यावेळी 15 लाखांहून अधिक दिवे लावून विश्वविक्रमाला गसवणी घालण्यात आली.
गेल्या वर्षी दिवाळी दीपोत्सवात येथे पावणे दहा लाख दिवे प्रज्वलीत करण्यात आले होते. यंदा हा विक्रमही मोडीत काढण्यात आला. अयोध्येत सरयू नदीच्या काठावरील राम की पायडी आणि इतर 37 घाटांवर पंधरा लाख दिवे प्रज्वलित करण्यात आले. त्यामुळे अयोध्यानगरी लक्ष-लक्ष दिव्यांनी उजळून गेली असून सर्वत्र मनमोहक वातावरण तयार झाले आहे.
Uttar Pradesh | Prime Minister Narendra Modi launches the #Deepotsav celebrations in Ayodhya, on the eve of the festival of #Diwali pic.twitter.com/zlTfqB1agb
— ANI (@ANI) October 23, 2022
पंतप्रधान नरेंद्र मोदी पहिल्यांदाच अयोध्या दीपोत्सवात सहभागी झाले आहेत. पंतप्रधान नरेंद्र मोदी यांनी भगवान श्री रामलल्ला विराजमानाचे दर्शन घेतले आणि पूजा केली. तसेच राम मंदिर निर्माण कार्याचाही त्यांनी आढावा घेतला. तसेच रामकथा पार्कात आयोजित कार्यक्रमात प्रभू श्रीरामाचा राज्याभिषेकही त्यांच्या हस्ते करण्यात आला.
Uttar Pradesh | Prime Minister Narendra Modi offers ‘aarti’ at New Ghat, Saryu River in Ayodhya, on the eve of #Diwali #Deepotsav pic.twitter.com/WVnE5tWsDs
— ANI (@ANI) October 23, 2022
दरम्यान, अयोध्येमध्ये दीपोत्सवासह लेझर शो याचे देखील आयोजन करण्यात आले आहे. हा लेझर शो पाहण्यासाठी अयोध्या पंचक्रोशीतील हजारो लोक सरयू नदीच्या तिरावर उपस्थित राहण्याची शक्यता आहे. लेझर शो सोबत फटाक्यांची आकर्षक आतषबाजीही करण्यात येणार आहे.
