रिपोर्टर्स विदाऊट बॉर्डर्स या संस्थेन माध्यमांची गळचेपी करणाऱय़ा नेत्यांची यादी जाहीर केली आहे. त्यात हिंदुस्थानचे पंतप्रधान नरेंद्र मोदी यांच्या नावाचा समावेश आहे. मोदी यांच्यासह उत्तर कोरियाचे हुकुमशहा किम जोंग उन, पाकिस्तानचे पंतप्रधान इम्रान खान आणि चीनचे राष्ट्राध्यक्श शी जिनपिंग यांच्यासह 37 जणांची नावे या यादीत नमूद करण्यात आली आहे.
RSF unveils a list of “Press freedom predators”, those of 37 heads of state or government who crack down massively on #PressFreedom – which for the first time includes two women and a European predator.https://t.co/GtUtI399Mf pic.twitter.com/QesecGWkz7
— RSF (@RSF_inter) July 5, 2021
फ्रान्समध्ये रिपोर्टर्स विदाऊट बॉर्डर ही संस्था कार्यरत आहे. दर पाच वर्षांनी ही संस्था माध्यमांची गळचेपी करणाऱय़ा नेत्यांची यादी जाहीर करते. सोमवारी या संस्थेने एक नवीन यादी जाहीर केली आहे. त्यात माध्यमांची गळचेपी करणाऱय़ा जगभरातील 37 नेत्यांची नावे नमूद करण्यात आली आहेत. यातील 17 नेत्यांची नावे यापूर्वी जाहीर केलेल्या यादीत होती.
या नेत्यांनी फक्त माध्यमांची गळचेपी नव्हे तर पत्रकारांना विनाकारण तुरुंगात डांबण्याचाही आरोप आहे. 19 देशात पत्रकारांची आणि अभिव्यक्ती स्वांतत्र्यांची स्थिती गंभीर असल्याचे अहवालात म्हटले आहे. तर 16 देशांमध्ये ही स्थिती अतिगंभीर असल्याचे सांगण्यात येत आहे.
या यादीत पंतप्रधान नरेंद्र मोदी यांच्यासह पाकिस्तानचे पंतप्रधान इम्रान खान, उत्तर कोरियाचे हुकुमशहा किम जोंग उन, सौदी अरेबियाचे क्राऊन प्रिन्स मोहम्मद बिन सलमार, ब्राझीलचे राष्ट्रपती जैर बोलसेनारो, बांग्लादेशच्या पंतप्रधान शेख हसीना आणि रशियाचे राष्ट्राध्यक्ष व्लादीमिर पुतिन यांच्या नावाचाही समावेश आहे.
20 वर्षापूर्वी रीपोर्टर्स विदाऊट बॉर्डने ही यादी बनवण्यास सुरूवात केली होती. यंदा या संस्थेने माध्यमांची गळचेपी करण्याऱय़ा नेत्यांची विस्तृत माहिती गोळा केली आहे. त्यात माध्यमांवर हल्ले करणे, पत्रकारांना लक्ष्य करणे, मीडिया सेन्सॉरशिप कशा प्रकारे केली जाते याचे विस्तृत वर्णन केलेले आहे.
Reporters Sans Frontiers names Narendra Modi among 37 Predators of Press Freedom @rebecca_vincent @cdeloire @RSF_inter pic.twitter.com/9hTdm5rry0
— Rana Ayyub (@RanaAyyub) July 6, 2021
