क्रीडा प्रेमींसाठी पर्वणी; सचिन, सेहवाग, लारा पुन्हा मैदानात उतरणार

टीम इंडियाचा माजी खेळाडू ‘मास्टर ब्लास्टर’ सचिन तेंडुलकर, ‘मुल्तान का सुल्तान’ विरेंद्र सेहवाग, वेस्ट इंडिजचा दिग्गज खेळाडू ब्रायन लारा हे पुन्हा मैदानात उतरणार आहे. या खेळाडूंना मैदानात पाहण्याची पर्वण क्रीडा प्रेमींना पुढील महिन्यात मिळणार आहे. रस्ते सुरक्षेसाठी आयोजित मालिकेमध्ये हे खेळाडू खेळताना दिसतील.

रोड सेफ्टी वर्ल्ड सीरिज पुढील महिन्यात 5 मार्चला सुरु होणार आहे. याआधी ही सीरिज 4 मार्चला सुरु होणार होती, मात्र आता तारखेमध्ये बदल करण्यात आला आहे. गेल्या वर्षी महाराष्ट्रात झालेली ही सीरिज यंदा छत्तीसगडमधील रायपूर येथे होणार आहे. अंतिम लढतीसह एकूण 15 सामने येथे खेळले जाणार आहेत.

सचिन तेंलुलकर, विरेंद्र सेहवाग, ब्रायन लारा यासारख्या दिग्गज खेळाडूंना पुन्हा मैदानात पाहण्यासाठी क्रीडा प्रेमी उत्सुक आहेत. क्रिकेटप्रेमींसाठी ही सीरिज म्हणजे खास पर्वणी आहे. गेल्या वर्षी कोरोना विषाणूचा प्रादुर्भाव वाढल्याने ही सीरिज रद्द करण्यात आली होती. परंतु आता पुन्हा एकदा या सीरिजचे आयोजन करण्यात आले आहे.

Block your calendar for these dates!
The @Unacademy #RoadSafetyWorldSeries returns on 5th March 2021! It’s going to be action unlimited with legends coming together for the cause of #RoadSafety.

️Get your tickets on https://t.co/Puc2pfX0VJ#YehJungHaiLegendary pic.twitter.com/Kt6PiGjugm

— Road Safety World Series (@RSWorldSeries) February 23, 2021

ऑस्ट्रेलियाची माघार

दरम्यान, रोड सेफ्टी वर्ल्ड सीरिजमध्ये हिंदुस्थान, इंग्लंड, बांग्लादेश, श्रीलंका, वेस्ट इंडिज आणि दक्षिण आफ्रिकेचे खेळाडू सहभागी होणार आहे. ऑस्ट्रेलियाने या स्पर्धेतून माघार घेतल्याने बांगलादेशच्या संघाचा समावेश करण्यात आला आहे. कोरोनाच्या कारणाने ऑस्ट्रेलियाने माघार घेतल्याचे कळते.

मालिकेचे वेळापत्रक

5 मार्च, हिंदुस्थान लीजेंड्स विरुद्ध बांग्लादेश लीजेंड्स

6 मार्च, श्रीलंका लीजेंड्स विरुद्ध वेस्ट इंडिज लीजेंड

7 मार्च, इंग्लंड लीजेंड्स विरुद्ध बांग्लादेश लीजेंड्स

8 मार्च, दक्षिण आफ्रिका लीजेंड्स विरुद्ध श्रीलंका लीजेंड्स

9 मार्च, हिंदुस्थान लीजेंड्स विरुद्ध इंग्लंड लीजेंड्स

10 मार्च, बांग्लादेश लीजेंड्स विरुद्ध श्रीलंका लीजेंड्स

11 मार्च, इंग्लंड लीजेंड्स विरुद्ध दक्षिण आफ्रिका लीजेंड्स

12 मार्च, बांग्लादेश लीजेंड्स विरुद्ध वेस्ट इंडिज लीजेंड्स

13 मार्च, हिंदुस्थान लीजेंड्स विरुद्ध दक्षिण आफ्रिका लीजेंड्स

14 मार्च, श्रीलंका लीजेंड्स विरुद्ध इंग्लंड लीजेंड्स

15 मार्च, दक्षिण आफ्रिका लीजेंड्स विरुद्ध बांग्लादेश लीजेंड्स

16 मार्च, इंग्लंड लीजेंड्स विरुद्ध वेस्ट इंडिज लीजेंड्स

17 मार्च, सेमीफायनल 1

18 मार्च, सेमीफायनल 2

21 मार्च, रोड सेफ्टी वर्ल्ड सीरीज 2021 फायनल