साईबाबा संस्थानच्या अधिकाऱ्यांकडून अलीकडच्या काळात विविध स्तरांवर मनमानी कारभार सुरू असल्याचा आरोप करून याबाबत ग्रामस्थ आणि साईभक्तांतून तीव्र संताप व्यक्त होत आहे. ‘श्रद्धा आणि सबुरी’ या तत्त्वांचा प्रचार करणाऱ्या या पवित्र स्थळी आता ‘कुलूप संस्कृती’ सीईओ गोरक्ष गाडिलकर यांनी सुरू केली असून, मंदिर प्रशासनाने भक्त आणि ग्रामस्थांवर अन्याय करण्याचा सपाटा लावला आहे, असा आरोप साई संस्थानचे माजी विश्वस्त पैलासबापू कोते यांनी केला आहे.
