सामना ऑनलाईन। ओदिशा
संपत्तीच्या वादावरून एका नराधम मुलाने (30) आईला जिवंत जाळल्याची भयंकर घटना ओदिशा येथे घडली आहे. गीता मंडल (55) असे मृत महिलेचे नाव आहे.
आरोपी मुलाचा आईबरोबर पैसे व जमिनीवरून वाद होत असे. शनिवारीही त्यांच्यात कडाक्याचे भांडण झाले. यावेळी संतप्त झालेल्या मुलाने आईला लाथा बुक्कयांनी मारहाण केली. त्यात आई अर्धमेली झाल्याचे बघून मुलाने तिच्या अंगावर रॉकेल ओतले व तिला पेटवून दिले. शेजारच्यांना संशय आला व त्यांनी पोलिसांना कळवले. त्यानंतर पोलिसांनी मुलाला अटक केली.
.
