नोकरी मिळावी म्हणून एका उमेदवाराने मालकाला हटके ऑफर दिली. सोशल मीडियावर नोकरीच्या अर्जाचा अजब नमुना शेअर करण्यात आलाय. उमेदवाराने नोकरीच्या संधीच्या बदल्यात मालकाला 500 डॉलर म्हणजे सुमारे 41 हजार रुपये देण्याची तयारी दर्शवली. विंगफाई या सॉफ्टवेअर कंपनीचे संस्थापक पारस चोप्रा यांनी अर्जदाराचा धाडसी प्रस्ताव सोशल मीडियावर शेअर केला आणि त्याची कल्पकता दाखवली. या अर्जात असं लिहिलंय की, ‘मी विंगफाई मध्ये काम करू इच्छितो. माझ्याकडे एक अनोखा प्रस्ताव आहे. मला नोकरी दिलीत तर मी तुम्हाला 500 डॉलर देईन. जर आठवडय़ात मी स्वतःला सिद्ध करू शकलो नाही, तर मला नोकरीवरून काढू शकता आणि ती रक्कम परत देऊ नका’ असेही म्हटले आहे.
