काँग्रेसचा बालेकिल्ला असलेल्या अमेठी मतदारसंघातून काँग्रेस अध्यक्ष राहुल गांधी यांचा भाजपच्या उमेदवार स्मृती इराणी यांनी पराभव केला आहे.
आयुष्यात आतापर्यंत एकदाही पराभवाचं तोंड न बघितलेल्या मल्लिकार्जुन खरगे यांचाही पराभव झाला आहे.
महाराष्ट्राचे माजी मुख्यमंत्री अशोक चव्हाण यांचा भाजपते प्रतापराव पाटील चिखलीकर यांनी पराभव केला आहे.
कलम 370 वरून जम्मू कश्मीरला देशापासून वेगळे करण्याची भाषा करणाऱ्या पीडीपी अध्यक्षा मेहबूबा मुफ्ती यांना जम्मू कश्मीरच्या जनतेने नाकारले आहे.
भाजपमधून बंडखोरी करून बाहेर पडलेल्या शत्रुघ्न सिन्हा यांना पाटणा साहीब मतदारसंघातील उमेदवारांनी खामोश केले आहे. सिन्हा यांचा केंद्रीय मंत्री रवी शंकर प्रसाद यांनी पराभव केला.
महाराष्ट्राचे माजी मुख्यमंत्री सुशील कुमार शिंदे याचा सोलापूरमधून दणदणीत पराभव झाला आहे.
सहा वेळा खासदार म्हणून निवडून दिल्लीत गेलेले शिवसेनेचे उमेदवार अनंत गीते यांचा देखील पराभव झाला.
