>> डॉ. समिरा गुजर-जोशी
धिक्कनकं तव कनकगिरे यस्य न जगदुपभोग ।
वरमन्ये गिरयो येषां तृणकाष्ठाद्युपभोग ।।
हे सुवर्णमय मेरू पर्वता ! तुझ्या त्या सोन्याचा धिक्कार असो, जे जगाच्या उपयोगी पडत नाही. त्यापेक्षा इतर साधे पर्वत श्रेष्ठ आहेत, ज्यांच्याकडील गवत, लाकूड इत्यादी वस्तूंचा लोकांना उपयोग होतो.
फक्त श्रीमंती, पद, कीर्ती असणे पुरेसे नाही, त्या गोष्टींचा इतरांना फायदा झाला पाहिजे. ‘समुद्री चहूकडे पाणी, पिण्याला थेंबही नाही’ अशा वैभवाचा काही उपयोग नाही. दुसऱ्याला मदत करता येणे हे खऱ्या श्रीमंतीचे लक्षण आहे.
